سيدي فخر الدين: قسم الدرة أول، علي قسم، جزء خلق مه (عالم الجبروت)؛ (العرش) (الفرش)، (اللوح)، (القلم)، (السدرة)، جزء، هه؟ السائل: أيوه. سيدي فخر الدين: ذابت، بقت بحر، سلط على البحر آلة الأسماء (فاحتمل) البحر {زَبَدًا رَابِيًا}، الزبد نشف، نشف. السائل: أيوه. سيدي فخر الدين: اللي هو محل بيت الله الحرام، خلق ملايكة واحد يقرأ الصمدية وواحد يصلي على النبي، واحد يقرأ الصمدية، حوالين البحر، حوالين البحر البحر ثبت بكده، ده معنى كلام الشيخ (وفيه ارتقت الحقائق) (2) (صلاة ابن بشيش) حقائق الوجود كلها، هه؟ السائل: أيوه. سيدي فخر الدين: وبعدين من دخان الأرض ده إتخلق السما الأولانية اللي هي {وَالسَّمَاءِ ذَاتِ الْبُرُوجِ} (3) (سورة البروج: الآية 1) سوي السماوات سبع، والأراضين سبع، والبحار سبع، خلاص؟ السائل: أيوه. سيدي فخر الدين: وبعدين خلق من الأرض مخاليق الأمهات وبهايمنا، أصلنا يبقى إيه؟ تراب وموية، خلق مخاليق البحر من البحر، خلق الروحانية من الريح، خلق الروحانية. السائل: من الريح. سيدي فخر الدين: من الريح، خلق الجن من النار، هه؟ مش هو كده؟ السائل: والملايكة؟ سيدي فخر الدين: الملايكة من نور النار. السائل: أيوه. سيدي فخر الدين: خلاص يا عم الشيخ؟ السائل: أيوه يا مولانا. سيدي فخر الدين: وبعدين ده هو الفجر، في المصحف قرآن الفجر بيقسم ربنا بيقول {وَالْفَجْرِ وَلَيَالٍ عَشْرٍ} (1) (سورة الفجر: الآيات 1 - 2)، الليالي العشر هما (العشرة الحجب). السائل: أيوه. سيدي فخر الدين: مش كده؟ السائل: نعم. سيدي فخر الدين: {وَالْفَجْرِ وَلَيَالٍ عَشْرٍ وَالشَّفْعِ}. السائل: أيوه. سيدي فخر الدين: {وَالشَّفْعِ} يعني إتنين. السائل: أيوه. سيدي فخر الدين: (وجود الذات) راح يخرج لـ (الحقيقة الأحمدية)، مش إتنين؟ السائل: أيوه يا عم الشيخ. سيدي فخر الدين: لكن الذات نقول عليه إتنين. السائل: واحد. سيدي فخر الدين: هه؟