من جواهر الامام فخر الدين

شيبان الراعي، شيبان الراعي سايق البهايم بتاعه وماشي الكوبري مفروض إيه؟ تك تك تك تك سايق البهايم بيرعاه وماشي كده، الإمام أحمد قال للإمام الشافعي قال له: يا مولاي، قال له نعم، قال له: الراجل ده بيطلع من الصباح يسوق البهايم بتاعه ده ما بيرجع إلا في المغرب قال له أيوه، قال له: نكلمه عشان يجي يسمع يعني حاجة يتعلم من فضائل الدين والسنن وكلام زي كده، الإمام الشافعي قال له: إني أري عليه آثار الصوفية فاتركه يا أحمد، إني أري عليه آثار الصوفية اتركه يا أحمد، قال: لا نسأله، تاني قال ليه كده، لا راح نسأله، تالت قال ليه كده، قال: راح نسأله، قال له طيب إسأله، قال له: السلام عليكم يا عم، قال له: عليكم السلام ورحمة الله، قال له: أنت بتطلع من الصباح تسوق البهايم ديل وبتيجي المغرب، قال له: أيوه، متين ما تقدر تيجي أنت من الصباح لغاية المغرب شغال مع الغنم، مع البهايم، ما تيجي تتعلم من دينك حاجة، قال له: ديني أنا عارفه، قال له: تعرف الزكاة بتاع البهايم اللي أنت سايقها ده؟ قال له: عندنا ولا عندكم؟ قال له: إحنا ناس أنتوا، إحنا صنف وأنتوا صنف أخر؟ قال له: أيوه، قال له: وريني الأتنين، قال: عندكم في الأربعين واحد، طيب عندكم كيف؟ قال: عندنا العبد وما ملكت يداه لسيده، أنا ما قلت ليكم ده بطال أحسن نخليه السائل: لأكمل يا مولانا