قصص الانبياء لسيدى فخر الدين

ولوط يعنى المتكل ظهره على الله , معناه كويس , زى لفظ النصارى مش اسم وحش , سيدنا عيسى قال قَالَ مَنْ أَنْصَارِي إِلَى اللَّهِ قَالَ الْحَوَارِيُّونَ نَحْنُ أَنْصَارُ اللَّهِ اليهود كذلك إِنَّا هُدْنَا إِلَيْكَ يعنى أسرعنا المجئ إليك. قال صلى الله عليه وسلم لما جت سيرة سيدنا لوط لَوْ أَنَّ لِي بِكُمْ قُوَّةً أَوْ آوِي إِلَى رُكْنٍ شَدِيدٍ قال صلى الله عليه وسلم رحم الله أخى لوط لقد كان يأوى إلى ركن شديد أصل معنى لوط عندنا السفيه , وفي الإسرائيليين يعنى اللي متكئ ظهره على الله , يعنى اللي متكل على الله رحم الله أخى لوط لقد كان يأوى إلى ركن شديد يعنى مش عايز يبطل الإتكال على الله ويشتغل بدول. سيدنا إسحق عليه السلام وسيدنا العيص عليه السلام وسيدنا يعقوب عليه السلام سيدنا إسحق مراته حملت توأم , سيدنا إسحق شاف العيص بيقول لأخيه يعقوب , والله لو طلعت قبل منى لأقتلك هنا وأطلع , سيدنا إسحق ضرب يعقوب وهو في بطن أمه , وقال له: ياولدى إصبر لغاية ما أخوك يطلع أحسن يعور أمك , وبعدين العيص طلع في الأول. يعقوب علشان (عقب) العيص سماه يعقوب. سيدنا إسحق بيحب سيدنا العيص , قال له يا ولدى روح إعمل قربان وتعالى علشان أدعى لك. وسيدنا يعقوب أمه بتحبه , وسيدنا العيص مشعر يعنى شعره كتير جداً , وسيدنا إحق طبعاً ضعي البصر. وبعدين سيدنا يعقوب أمه قالت له: إمشى إدبح لك غنماية كبيرة قربان , وقسمها على الناس , وإلبس الجلد بتاعها وتعالى. سيدنا يعقوب راح عمل القربان بتاعه وخلص وجه قال لأبوه يا أبى أنا خلاص جيت إدعى لى أبوه لمسه كده لقى جسمه مليان شعر زى العيص. قققال له: اللهم اجعل في بيتك النبوة , اللهم اجعل في بيتك العلم , اللهم اجعل في بيتك الولاية , فاز بالدعوة سيدنا يعقوب. جه العيص بعد ما عمل القربان , قال له: ياولدى إنت مين؟ قال له: أنا العيص. قال له: إنت مش من شويه جيت؟