وبعدين ظهور خلافة آدم في الملأ الأعلى حامل نور النبي صلى الله عليه وسلم خلت الملايكة خرجت من عظمة وَنَحْنُ نُسَبِّحُ بِحَمْدِكَ إلى استصغار وذلة لاَ عِلْمَ لَنَا إِلاَّ مَا عَلَّمْتَنَا فكان بونا آدم حدق أكثر من الملايكة. وبعدين أبونا آدم نزل الأرض , لما جاء الأرض بعضهم قال سبعة أيام وبعضهم قال واحد وأربعين يوم , محتار في العملية اللي هو عملها , العملية اللي هو عملها مش معصية علشان ده نبى ورسول لكن مش من أولى العزم من الرسل , العملية اللي هو عملها مش معصية ليه؟ ربنا قال وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ فكان معصيته نسيان والنسيان مش معصية , قال صلى الله عليه وسلم رفع عن أمتى ثلاثة الخطأ والنسيان وما استكرهوا عليه فالنسيان مش معصية , ثم إنها تنفيذا لحكمة ربنا , والإرادة الى ربنا بيكونه من قبل ما يخلق آدم , كاتب في العرش إِنِّي جَاعِلٌ فِي الأَرْضِ خَلِيفَةً فهو مية في المية لازم بيجى لخلافته في الأرض , يعنى لو قدرنا إن إبليس كان سجد وآدم ما أكل من الشجرة , وهو كان أصلا مخلوق علشان يبقى في الأرض , يقعد يعمل إيه هناك بقى؟ شغلته كده , خلقه لكده , ومن حقه إنه ينسى , ليه؟ قال وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا وأولى العزم من الرسل ما ينسوش , ولكن آدم علشان لم يكن من أولى العزم من الرسل من حقه إنه ينسى ونسى فعلاً , وبعدين نزل الأرض , وقاعد محتار في عمليته , قال اللهم أنى أسألك وأتوسل إليك بحبيبك محمد صلى الله عليه وسلم إلا ما غفرت لى , نزل سيدنا جبريل قال له ربنا بيقولك كيف عرفت إن حبيبى محمد؟ قال يارب لما نفخت في الروح , شفت في العرش مكتوب لا إله إلا الله محمد رسول الله , ولما أمرتنى إلى الجنة ورحت الجنة لقيت مكتوب في بابها لا إله إلا الله محمد رسول الله , فعلمت إنك أنت ما ضفت إلى إسمك إلا