س: الآية {وَآوَيْنَاهُمَا إِلَى رَبْوَةٍ ذَاتِ قَرَارٍ وَمَعِين} قالوا المكان ده في مصر؟ مولانا الشيخ: ده في الشام. س: وبيقولوا جاء هو وأمه وقعد في مصر مدة طويلة، وحتى فيه في المطرية قرب القاهرة شجرة اسمها شجرة مريم بجانبها بيت قالوا كانوا قاعدين فيهوكلام كثير انهمجاؤوا مصر وعاشوا؟ مولانا الشيخ: قصصهم كلها مزيفة. س: النبي صلي الله عليه وسلم في أمته في كل زمن فيه 124 آلف ولي، هل الأمم السابقةعلى سيدنا محمد كان بعد ما نبيهم ينتقل بييجي أولياء من أمته برضه؟ مولانا الشيخ: لا، في زمنه بس، زي الحواريين كده. س: لكن إذا انتقل خلاص تنتهي الولاية من بعده؟ مولانا الشيخ: لا، الولاية تمشي شوية، لقمان كان قبل النبي موجود رئيس، والباقيين في الرياسة يجيبهم ملائكة. س: وماذا عن أقباط مصر؟ مولانا الشيخ: هم الأصل الأول، لكن لفظة (قبط) دول اللي اتبعوا سيدنا عيسى. س: ما معنى القول (باسم الأب والابن والروح القدس)؟ مولانا الشيخ: لما تنزل نور النبي صلي الله عليه وسلم من غيب الأحدية تنزل في الحجب العشرة الظاهرة في {وَالْفَجْر وَلَيَالٍ عَشْر} في الحجاب العاشر لتحت سموه الياقوتة الحمراء، اتخلق من الياقوتة الحمراء الأمر ومن الأمر تخرج الروح القدس، يبقي سيدنا عيسي يقول (باسم الآب والابن والروح القادس) له حق والا لا؟ س: عن بعض ما جاء في الانجيل، الله إله أحياء؟ مولانا الشيخ: {وَهُوَ الَّذِي فِي السَّمَاء إِلَهٌ وَفِي الأَرْضِ إِلَهٌ} يحيي ويميت، اللي بيحيينا ربنا واللي بيموتنا ربنا، مافيش حكاية إله أحياء، ولو قلنا كده معناه الأموات عندهم إله ثاني، وهذا غير صحيح. مجلس عن النبي في الإنجيل سؤال ملخصه: كيف إن النبياسمه أحمد في الإنجيل؟