قصص الانبياء لسيدى فخر الدين

قال له: له مرة واحدة فتح التوراة لقى اسمى حبيبي محمد وباسه ومسح به عينيه، وعلشان كده سامحته. ده حديث سمعوه الصحابة. أحاديث عن سيدنا موسى الكلب الأسود وبعدين حتى من باب تفضيل مرتبة النبي صلى الله عليه وسلم وعظمته حصل إن سيدنا موسى بيسأل ربنا جل وعلا بتكره إيه؟ قال: الكلب الأسود، فكان عنده كلب أسود، ربط له جنزير في رقبته وحط حجر تقيل فوقه وسابه في الجبل، فالكلب عافر ما قدر يطلع من الجنزير ده، وبعد 10، 15 يوم سيدنا موسى رجع لقى ربنا خالق له بركة وفيها سمك، السمك ينط من البركة، فالكلب ياكل السمك ويشرب ميه لغاية ما سمن، سيدنا موسى فك الكلب، وقال إلهي وسيدي أنت قلت لي تكره الكلب الأسود، قال: أنا لا أكره الشيء في ذانه، أكره الكلب الأسود في صفاته، وإذا كنت أكرهه في ذاته ما كنت خلقته. تابوت السكينة س: ما قصة تابوت السكينة؟ مولانا الشيخ: التابوت ده صندوق نزل على سيدنا موسى وفيه صرة كديسة جواه، كمان بقية مما ترك آل موسى وآل هارون وتحمله الملائكة بالسكينة في بني اسرائيل في زمن سيدنا داود وماحدش يعرف راح فين، والتابوت ده كان بيتكلم. الخلافة س: هل كان فيه خليفة أيام سيدنا موسى؟ مولانا الشيخ: لا، لو كان فيه كان سيدنا موسى هو الأولى، ودي مرتبة بتاع ولاية، يشترط فيها السيف بس. نبوة سيدنا هارون س: هل سيدنا هارون كان نبيا؟ مولانا الشيخ: نبي مضاف لسيدنا موسى، زي نبوة سيدنا يحيى مضاف لسيدنا عيسى. السراج المنير