مولانا الشيخ: والإدريسية برضه والتيجانية برضه ختينه في أورادهم. السائل: طيب أصله أنا إذا هم الختمية شاذلية مش ممكن ياخدوا الحزب الكبير بتاعنا يقروه والصغير؟ مولانا الشيخ: أيوه ممكن،/ إذا في الأوراد الشاذلي، ممكن يستكفي بديل، ممكن يستكفى بديل. السائل: لكن ما في مانع، مانع ما في لكن؟ مولانا الشيخ: وما دام شاذلي خلاص يا هو. السائل: بعدين يا عم الشيخ الحزب الكبير زمان زمن المشايخ كانوا متمدنين شوية يا عم الشيخ سموه حزب المشايخ وبيقروه كلهم هسع في الزمن ده ما في زول بيعرفه؟ مولانا الشيخ: أيوه اسمه حزب المشايخ، علشان إيه؟ المرضان بيسأل عن الأولاد، ولًا عن مال ولًا عن الصحة؟ السائل (معلقًا) عن الصحة. مولانا الشيخ: عن الصحة، كل واحد عنده غرض، الغرض بتاع المشايخ أجمعوا إنه روحه يقوي يستحمل الوارد، الحزب الكبير بيقوى الروح عشان تستحمل الوارد فلذلك كل المشايخ عايزينه. السائل (معلقًا): مأذونين فيه كل ناس الطرق؟ مولانا الشيخ: أي كل ناس الطرق، في بورسودان فيه اتنينختمية، بيجونا في الحضرة مما نبتدي التوسل عشان نقوم الحضرة يكوركوا لغاية ما نعمل الفواتح، مرة ومرة ومرةومرة، بعدين قلت ليهم تعالوا، انتوا أحسن ما تجونا، بتلخبطوا علينا الذكر، أو تقروا الحزب الكبير ده 70، بس كده يا كده ياكده، قروه 70 خلاص مابقاشيكوركوا. السائل (معلقًا): ثبتوا طوالى؟ مولانا الشيخ: أي، الختمية يقولوا ديل سلبوهم البرهانية، ولا سلبناهم ولا عاوزين منهم حاجة. السائل .... بجو بجوا؟ مولانا الشيخ: أي جن ما يقدر يجي للي بيورد الحزب الكبير. السائل: كتير يا عم الشيخ من الناس بيشوفوا إنه زول بيكوركوبينطط ويرقص في الحضرات والبتاع ده بيفتكروه ده من أكابر الـ عدم معرفة ساي؟