مولانا الشيخ: الحقيقة كتيرين من الناس، بيشوفوا الأسماء هى الذات لما نقول الأسماء هى الذات ماالأسماء 99 لازم يكون 99 ذات، وكل واحد ما يشبه التانى. السائل: كل واحد الملائكة يفيضوا عليه كده، .... قسمه ربنا كيف؟ مولانا الشيخ: ياهو كده، الأسماء 99 اسم، 99 اسم يفسروا الاسم (الله) بس، و (الله) ذاته علم للذات واجد الوجود مش اسم الذات. السائل: أولاً نشوفوا التخلق بالأسماء، والتصريف بالأسماء، مش كده؟ مولانا الشيخ: لا لا لأ التخلق كونك تمشى فيهُ، ماسريت من الاسم للاسم، النبى درسك معنى الاسم ده، وادَراك حظك منه، راحت للاسم التانى وكده لغاية الآخر، ده نسميه إيه؟ التخلق بالاسم، وده جمع الاسم {نضر الله وجه الراحل المترحل} (الحديث) ياهو ده {نضر الله وجه الراحل المترحل} ولا الحلبه، يا الحلبه يا ديل، مش كده؟ ده إيه؟ ده التخلق بالاسم، التصريف بيهُ ده مطلقاً بعد استبدال الصفات تتصرف بأى اسم، بعد استبدال الصفات تتصرف والمصحف بيقول كده، سيدنا إبراهيم لما نادى الطيور ما نادى هو، التجلى الإلهى نطق باسم سيدنا إبراهيم للطيور، سيدنا عيسى كده سيدنا موسى كده النبى كده كلهم كده، استبدال الصفات ده من أصغر ولى لأكبر نبى، اعتيادى. السائل: التخلق ده خاص يا عم الشيخ ببعض الأنبياء؟ مولانا الشيخ: ليه لبعض الأنبياء؟ لكل السالكين. السائل: التخلق؟ مولانا الشيخ: اللى عاوزينهم فى المراتب العالية كلهم لازم يمشوا بالشكل ده. السائل: طبعاً سيدنا موسى كان متخلق؟ سيدنا موسى كان متخلق؟ مولانا الشيخ: أيوه أيوه أمال {آنَسَ مِن جَانِبِ الطُّور} (القصص: 29) نار كيف؟
أنواع التصريف السائل: بعدين سيدنا الخضر كان متصرف؟ مولانا الشيخ: أيوه. السائل: وداك متخلق ما متصرف؟ مولانا الشيخ: أيوه سيدنا الخضر متصرف. السائل: متصرف بس؟ مولانا الشيخ: وسيدنا موسى متخلق.