السائل (معلقاً): الفرق يا عم الشيخ بين فهم الصوفية وفهم الناس العاديين، الفرق بين فهم الصوفية والناس العاديين عامة المسلمين وغيرهم، يعنى هم بيشوفوا الاسم، الاسم (الله) غير الذات. مولانا الشيخ: الناصح اللى بيشوفه كده، أيوه. السائل (معلقاً): عشان كده بيحصروا {وَمَا يَعْلَمُ تَأْوِيلَهُ إِلاَّ اللّهُ} يعنى الذات الإلهية، ومن ده بينشئ الإشكال فى الفهم. مولانا الشيخ: أيوه. السائل: الإلهيين قصة كده عندهم مافي؟ مولانا الشيخ: مافى. السائل (معلقاً): يعنى الموطن ذاته ما موطنه. سائل آخر: ففيه واحد من التيجانية يا عم الشيخ، كنا بنتغالط فى الموضوع ده؟ مولانا الشيخ: تعال تعال هنا قريب. السائل: كنا بنتغالط معاه فى الموضوع ده؟ مولانا الشيخ: كمان شوية كمان شوية. السائل: بعدين هو قارئ شوية، قارئ توحيد شوية وحاجات زى دى، قلت ليه هل الاسم فى التوحيد، فى علم التوحيد اللى انت قريته، هو عين الذات وقف كدى، قال لى لو كان الاسم هو نفس المسمى كان من ينطق بكلمة نار يحترق لسانه، قلت له خلاص اتفقنا، الاسم (الله) اسم لمرتبة اسمها الالوهية. مولانا الشيخ: أيوه. السائل (معلقاً): الناس اللى بيذكروه بيتخلقوا بيه، الأخلاق بتاعة الأسماء الإلهية، عشان كده بيتوسلوا بيهم، ديل بيسموهم الإلهيين، ديل الواسطة اللى بيجيبوا التأويل للراسخين، الراسخين بيقولوا صدقنا وآمنا، الراجل اقتنع واتبسط جداً قعد يكورك للجماعة اللى جنبه، تعالوا تعالوا اسمعوا الكلام ده. مولانا الشيخ: الله، اتكيف. السائل (معلقاً): اتكيف جداً بعدين قال ليهم الراجل ده قاعد هنا، ولا كلكم عاملين علماء ماتستفيدوا منه. مولانا الشيخ: ياسلام، ده راجل كويس.
معنى التخليق والترحل فى الأسماء السائل (معلقاً): الراجل ده قاعد هنا، ماتستفيدوا منه ولا كلكم علماء!!