السائل (معلقاً): يعنى عشان هم بيقولوا الاثنين سيدنا موسى وسيدنا الخضر يا عم الشيخ. مولانا الشيخ: ما بيقول ده بيعجن الطين وده يبنى وربنا قال إيه , قال: (جدار يريد أن ينقض) مايله كده (فأقامه) لزّاهُ قومه , قال له: يا زول ده اللى إحنا ناخد فيهُ أجرة , الناس أبوا يدونا حتة كسرة , قلت ليك ما تسألنى , مشوا في حلة تانية لقاهم واحد رجل قال لهم إنتم جعانين بيان عليكم أغراب اتفضلوا اكلوا حاجة عندنا , أطعمهم , جه طالعين , سيدنا الخضر في الأول , سيدنا موسى في التانى , صاحب البيت في التالت , طالعين ماشيين في الشارع , لقاهم ولد صاحب البيت , سيدنا الخضر مد إيده كسر رقبته كده , أنا بتكلم في المصحف الصرف , تمام؟ قال له: يا زول إحنا بنقتل في ... نت قتلت الولد ده من غير مصيبة , من غير دية , من غير أى حاجة , قال له: أقول ليك؟ أنا وإنت مش راح نتفق راح نورى لك الموضوع الأولانى كده كده , الثانى كده كده , الثالث كده كده , بعد ما خلص من قصته قال له (ما فعلته عن أمرى) يعنى ربنا بيقول لى كده (ما فعلته عن أمرى) قال له إنت إذا من قبيل قلت لى (ما فعلته عن أمرى) كنت طلقتك ولا مشيت معاك المشوار ده , ربنا مشى كل واحد زى ما داير , كنت تقول لى الكلام ده في بداية الحال (هذا فراق بينى وبينك) رد , ده قَبِّل , ده بَحَّر. السائل: في الفترة دى يا عم الشيخ سيدنا موسى كان صاحب الوقت , أمال جايب الواحد ... ده كيف يا عم الشيخ , أهلاً وسهلاً؟ مولانا الشيخ: وبينتقده كيف وهو ما عارف. السائل (معلقاً): بينتقده وعارف. مولانا الشيخ: إذا مادام بينتقده نقول أنه هو عارف. السائل (معلقاً): (وما فعلته عن أمرى) دى يا عم الشيخ. مولانا الشيخ: (وما فعلته عن أمرى) يعنى وحى إلهى في أى موطن. السائل (معلقاً): ماشاء الله فهم عالى ....