مولانا الشيخ: إبراهيم بيقول إيه يا أخواننا؟ إتشوطاً , ربنا بيقول كده تقول إيه؟ هم في المركب عشرة أنفار شغالين في المركب , مراكبيه وريسين , والمُركَب مركب تجارة , يعملون زى يستأجرونها , يجيبوا بضايع من هنا يودوه هناك , ويجيبواه من هناك يملوه من هنا , وهم عشرة وعندهم عشرة عيانين قاعدين في البيت معيشتهم ديل , المركب قرب البر , المركب قربت البر سيدنا الخضر مد إيده الباطن , مش كده؟ يعنى هسه الخشب مش أقوى من اللحم؟ معناه إيه. معناه في الإسم القوى كمية كتير , الخشب , سيدنا الخضر مد إيده الباطنى سلب تجلى الإسم القوى اللى في الحطب , الحطب بقى زى الدلقون (1) الخرقة) المغلى المحروق أو ما المركب وصلب البحر ووو الموية دخلت ده قاعد قال ليهُ: يا أخى ناس عدونا بلا أجرة والناس التانين أبوا , تخرق مركبهم ليه؟ ده مش كلامه؟ مش مرتب مفيد؟ مش جوه جوه؟ داك قال: ده اللى أنا شارطك إنك إنت ما تسألنى عن أى حاجة لغاية ما أكلمك براى , طلعوا , أولاً: إتضح إن سيدنا موسى شايف وبيتكلم مع سيدنا الخضر من جوه جوه؟ سيدنا الخضر بيسمع؟ وبينتقد سيدنا الخضر؟ طلعوا البر , في الحلة طلبوا أهل الحلة ديل يطعموهم , أبوا يضيفوهم مشوا لقوا في طرف الحلة حيطة بتاع جماعة أيتام , ولدين أيتام جدهم التاسع من الصالحين والولدين أيتام , التافسير يقول: ده بيعجن الطين وده بيبنى وربنا قال إيه؟ (جدار يريد أن ينقض) مايله كده. السائل (معلقاً): لسه ما وقع. مولانا الشيخ: ما وقعت (يريد أن ينقض) عاوز يقع , سيدنا الخضر مسكه لزاه كده وقفه طوله. السائل: ده معناته أقامه يا عم الشيخ (فأقامه) ما معقول .... بناه يعنى , بناه يا عم الشيخ؟ مولانا الشيخ: سيدنا الخضر. السائل: سيدنا الخضر بناه يا عم الشيخ؟ مولانا الشيخ: حبوبتك .. إيه ده؟