السائل (معلقا): كان عندنا نقاش في الموضوع ده يا عم الشيخ، كان عندنا نقاش في الموضوع ده، قلت ليهم ربنا سبحانه وتعالي قال {الميتة والدم}، لمن جاء هنا فصل، {ولحم الخنزير} ما فصل الشحم ولا شيء، قالوا لي ده كلام عجيب ما سمعنا قبل كده. مولانا الشيخ: ما سمعناه ذاته، قل ليه ما سمعته. السائل: اذكر بدري يا عم الشيخ،. . . . الـ. . . .. مولانا الشيخ: فيه أمراض بيداؤه بشحم الخنزير، أفتكر الكوا ولا إيه؟ السائل (معلقا):. . . . دي كلها يعني ما بيفضل فيها أي حاجة. سائل آخر: هسع المعجون يا عم الشيخ، نحن خليناه لأنه قالوا بيعملوا فيه دهن الخنزير؟ مولانا الشيخ: دهن الخنزير غالي خالص يا مسلم، ما بيختوه في حاجه بقرشين 3 زى ده. السائل: برضه فيه ناس. . . . صابونة الحمام دي، ما عارف غرضهم شنوه يعني، أعتقد إنه الزول اللي بيأكل الجلي ده، قالوا ما بناكله؟ مولانا الشيخ: الجلي شوربة، الجلي شوربة، جيب كوارع واغليه شديد شوف راح يبقي شنوه؟ سليمان جتك داهيتين. السائل: بعدين تفسير الآيات القرآنية في جرائد ومجلات متخصصة في الحكاية دي يا عم الشيخ، فيه مجلات متخصصة في الحكاية دي بس، مجلات العقول الإسلامية يا عم الشيخ. مولانا الشيخ: الأحكام لا يحتاج لتغيير ولا تبديل ولا تصليح، زى ما هم كده. السائل (معلقا): الحكاية بتاعة الزول اللي ما يفهمها ما يتكلم فيها. مولانا الشيخ: أصوليا، آى، الميتة، الدم، مش قال الدم؟ الدم، مش مطلق الدم، إلا أن يكون دما مسفوحا. السائل: {ميتتان ودمان} (1) [سنن ابن ماجه] يقع في الدم، {ميتتان ودمان} مش كده؟