مولانا الشيخ: وين في جسمك بله ده؟ السائل (معلقا): ما في يا عم الشيخ. مولانا الشيخ: الاسم ما يكون ذات أصله، أصله مطلقا، وإذا كان الاسم ذات فالأسماء 99، يكون الذوات 99 كمان. السائل: بيقولوا يا عم الشيخ العلوم دي كلها من الرسول - صلى الله عليه وسلم - يا عم الشيخ، العلوم كلها من الرسول - صلى الله عليه وسلم -، يعني القرآن ذاته يا عم الشيخ؟ مولانا الشيخ: أيوه، هو تعلم من ربنا والتعليم منه هو. السائل: نعم؟ مولانا الشيخ: هو تعلم من ربنا والتعليم منه هو، اللي علي العرش مش الرحمن؟ هو مش صفة الرحمة {وما أرسلناك إلا رحمة للعالمين} (1) [الأنبياء 107] يكون المستوي علي العرش منوه؟ ما تقولوا؟ ما بيطالبنا بالتخلق بيه، هو ما قادر!! ويطالبنا بيه؟ السائل (معلقا): ما ممكن. السائل: ليه ظاهر وباطن يا عم الشيخ؟ مولانا الشيخ: 4، ظاهر وباطن ومطلع وحد. السائل: ده تفسير الآية بتاعة إمبارح يعني؟ مولانا الشيخ: شنوه؟ السائل: {الرحمن - علم القرآن} الدرس بتاع اليومه ديك (2) [ذاك اليوم]، دهب يحصل لبعض الناس يشوفوا. . . عيون وين. مولانا الشيخ: كتير، مش واحد بيشوف بكورعينه، أيوه فيه. السائل (معلقا): بيقول إن الكلام ده فيه، في يوم القيامة بس. مولانا الشيخ: يوم القيامة. السائل: آى، القيامة للعامة بتاعة، بتاعة القيامة للعامة، ولا أصلا ما في؟ مولانا الشيخ: لأ القيامة للعامة، أنت مش بتسمع بأضنيك؟ السائل (معلقا): نعم. مولانا الشيخ: إذا سور لك الودن في الكراع ما بتسمع بيه؟ السائل (معلقا): نعم. سائل آخر: الذات في كل الأسماء وما في، الذات معناتها في كل الأسماء فيه ولكنها ما في؟ مولانا الشيخ: وفي الصفات وفي الأفعال. السائل: أيوه يا عم الشيخ.
3. 4 الحديث {كنا نورين بين يدي القديم الأزلي}