ويمتلي الوعاء بالنور حتى ... يعم النور أطراف الوعاء مولانا الشيخ: الذكر، الذكر. السائل: في القصيدة ذاتها يا عم الشيخ بيقول وتملك شهوة ملكتك دهرا دي شهوة ولا كل الشهوات؟ مولانا الشيخ: كل الشهوات. السائل: يا عم الشيخ إذا ضعف الإنسان ومشي للسوء، إذا ضعف الإنسان ومشي للسوء، بعدين أخطأ بيفسد القلب، بيقولوا بيفسد القلب؟ مولانا الشيخ: شنوه؟ السائل: يفسد للقلب، يعني يتضاعف الخطأ، يفسد القلب؟ مولانا الشيخ: يفسد يبقي إيه؟ السائل (معلقا): يفسد القلب. مولانا الشيخ: لا لا لا، ما بيفسده، ده ذنب، تتبعه بالحسنة يمحها، مهما تعمل، ما بيطلع الواحد من الطريقة، إذا مشي سكر كونياك دززز كده، أول ما السكر يروح، يصلي ويصوم ويعمل أوراده، حد معصوم ما في، ولولا المعصية ما في غفران، أما المعصية ما ممكن إلا للأنبياء.
درس جديد مولانا الشيخ: أشجارنا الجذر في الواطا، والنخيل بيطلع لفوق، أشجار الآخرة الجذور لفوق والثمر لتحت، مش كده؟ إحنا كلنا بنعرف النميري والنميري ما بيعرف واحد مننا. (1) [انظر نهاية الكتاب] السائل (معلقا): العكس. مولانا الشيخ: العكس آى.
2. 4 الأسماء والذات السائل: العلوم الثلاثة ديل يا عم الشيخ، العلوم الثلاثة الذات والاسم والصفات، هنا برضه بيقول ليك {الرحمن - علم القرآن} (2) [الرحمن 2: 1] هنا واقع في الثلاثة علوم دي كده، ولا. . . . القرآن؟ مولانا الشيخ: اللي بترقي لغاية ما يروح العرش ياخد القرآن من الرحمن، الرحمن بس يعلم القرآن، غيره لا. السائل: الاسم يا عم الشيخ، الاسم بس، الرحمن الاسم بس يا عم الشيخ ولا الذات؟ مولانا الشيخ: الذات إيه. (قطع في الشريط) مولانا الشيخ:. . . . كل القرآن. السائل: بتناقش في استواء علي العرش دي هنا بالذات، عشان كلمة استوي علي، الرحمن استوي عليا العرش دي هنا بالذات؟ مولانا الشيخ: الذات؟ الاسم ما بيبقي ذات أصله، أنت اسمك منوه؟ السائل: بله يا عم الشيخ.