هو يا خلي روح، قول له كده، قول له يا قوله زى ما هو يا خلي روح، مش كدٍ كدٍ (كِده كِده) ما ينفع (كدو كدو) ما ينفع (كدا كدا) ما ينفع (كدِ كدِ) ما ينفع (كدٍ) إذا عجبك ولا ما عجبك كده، زى ما يقول {الم} في إمكانك تقول (ألم) ولا إيه؟ ما تقول يا محمد. السائل (معلقا): (ألم) ما بينفع. مولانا الشيخ: في إمكانك تقول ألم، ألم {ذلك الكتاب لا ريب فيه} ما ينفع. السائل (معلقا): غيرت المعني خلاص، غيرت المعني خالص. مولانا الشيخ: جدا. سائل آخر (معلقا): إدينا يا عم السيخ واحد الكتاب ده عشان ياخد الطريقة، بدل ما يقرا {كهيعص} قال لي يا أخي تعال (كهي عص) دي كاتبينها ليه، {كهيعص} قال لي يا أخي الكلام ده هنا فيه (كهي عص) دي اقراها. مولانا الشيخ: أهو كده، المفسرين ما تكلموا في الأشياء دي. السائل (معلقا): الحروف دي مخصوص عملوها المشايخ في الأوراد بتاع مريدينهم، إفادة عظيمة. مولانا الشيخ: الغرض عظيم. السائل: الآية دي. . . . ليها كل الكون، لكن زى ما فهمنا في الدرس يا عم الشيخ إنه أي حاجة بالأسماء الإلهية, أي حاجة بالأسماء الإلهية هو ذاته بيعترف بالأسماء الإلهية، وماشي بالأسماء الإلهية كلها يا عم الشيخ، بعدين يا عم الشيخ الأسماء الإلهية دي ذاتها هو محتاج ليها يعني الأسماء الإلهية دي عشان ما يعمل حاجة. مولانا الشيخ: لأ ما محتاج ليها، أنت عاوز تقول إيه؟ وريني غرضك شنوه؟
5. 2 معني {إنما أمره إذا أراد شيئا} (1 - يس 82) السائل: الزول العارف يا عم الشيخ، هي إرادة ربنا، حاجة زى التربية يا عم الشيخ، بواسطة أو بدون واسطة للزول العارف يا عم الشيخ؟