السائل: الشعور يا عم الشيخ بالذنب ظاهر، الشعور بالذنب ظاهر، الواحد لمن يشعر بالذنب لأنه يعني لمن يخطئ هو بعد مرات يكابر إنه هو ما، لكن الواحد لما يدقق فيه يحس إنه هو فعلا حاسي (1 - يشعر) إنه هو مقصر، مرات يقابلونه الجماعة جنب البيت بتاع، لقيته في ميدان. . . . جنب الدار بتاع الأنصار، طبعا أنا واقف كده هو كان قاعد.
{الوجه الثاني} 9. 1 المجاذيب وحديث {من بات دون بيعة} السائل: طبعا دي الزول ما عنده كلمة أنا ذاتي بطلته غايتو،. . . . ولا دي شغلته؟ مولانا الشيخ: متأثرين خالص، هو ما قادر يحب أولاد الطريقة عشان إيه؟ السائل (معلقا): ما بقدر أقابلهم يا عم الشيخ. سائل آخر (معلقا): ما بقدر أقابلهم، إن الزول كان في حاله وجاء سقط في مكره. السائل (معلقا): فيه سؤال طرقته قبل شوية هنا. مولانا الشيخ: أيوه. السائل: بتاع إنه أي ولي إذا توفي، ما يتعين زول في محله، أنا. . . . إنه البلد دي، العملية دي يا عم الشيخ راجعه كده طوالي يعني بعد. . . .؟ مولانا الشيخ: لا ما كده، ما كده ولا ممكن يكون، قول لي ليه؟ لما نقول أنت صاحب الدرك ده مثلا، لما يقرب عمرك الرئيس يقول ليك نقي واحد من ناس البلد ديل، نقيت فلان، تيجي في الرؤيا تدرسه، الموضوع الفلاني بيعملوه كده يعملوه كده يعملوه كده يعملوه كده، ياخد منك تدريس شهر وشهرين وثلاثة ولا أكتر ولا أقل، بعد ما درسته كويس أنت تموت وهو يستلم محلك، سمعت؟ ده النظام الرسمي، الحديث {من بات دون بيعة} (2 - أخرجه الإمام مسلم) إذا مات مات موتة الجاهلية، لابد من البيعة للرئيس بتاع الزمن، إذا في الباطن أو في الظاهر واحد، النبي عليه الصلاة والسلام بيتكلم كلام غريب خالص {من بات دون بيعة} إذا مات مات موتة الجاهلية، ده حديث، لابد أنت تسلم اللي أنت علمته وحتى تموت أنت ولا ما يخلوك تموت. السائل: طيب التسليم يا عم الشيخ حيكون جوهري يعني؟