مولانا الشيخ: ده عمره الأصلي، لا مرضان بأي عضو من أعضاءه ما مرضان، جتته صاغ سليم، السنون في محله، العينين كويسين 6*6، الإيدين، الرجلين، الصحة، القوة، الأكل، الشرب مظبزط خالص، خلص الـ 30 بتاعه، جه عمر الحمار أيا ما يشوف مرة هوووو جاري وراها، جاري وراها، مشي إزوج، إزوج، ولد أولاد وبنات وكده، مش كده؟ جه عمر الكلب، الولد ما بعت لي المصروف البنت ما عاشت في السودان وك وك وك مع ده يكورك، أنا ما بأهزر خلي بالك، يكورك كم؟ 15 سنة بتاع الكلب، واضح؟ بعدين بقي كبير خالص دي الـ 15 بتاع القرد، بص هنا بص هنا، يا وسخ ده هزار، ما. . . . ولا قول لي ده خطأ، محمد ما ترقص له، زمن القرد كده، ما يقدر يعمل حاجه. السائل (معلقا): صحي مثل مظبوط تمام تمام، مثل مظبوط. مولانا الشيخ: مثل بتاع هزار لكنه جد، يشبه الجد تمام تمام، أستغفر الله وأتوب إليه، أستغفر الله وأتوب إليه لكن يشبه الجد، الجد خالص، وواقع البني آدم كده، عثمان كونه يمشي حافي أو ينشد ده العيب بتاعنا عند الناس. السائل: كيف يا عم الشيخ، كيف يا عم الشيخ؟ مولانا الشيخ: كونه يمشي حافي أو ينشد ده العيب؟
8. 1 أولاد الطريقة وحسن الظن السائل: لكن يا عم الشيخ، هو الحقيقة بينظر ليها بمنظار جميل جدا جدا، عشان كده، بوادر كبر يا عم الشيخ، والله ما قصر تب، كل واحد علي قدر عينه؟ مولانا الشيخ: كل واحد وعينه، يعاين بقدر عينه، هم شافوا الظاهرين من الإخوان كانوا يقولوا شنوه، كانوا يقولوا إيه؟ أولاد الطريقة ديل زى ما قالوا: وظن خيرا بكل الذاكرين فهم ... لولا العناية لم يأتوا إلي الله (1 - ديوان الشيخ قريب الله)