السائل: النظام ده بيختلف حاجة عجيبة شوية كده، في قصة سيدنا يونس يعني كان هو قومه بيعرفوا علم الأرواح، قومه كانوا بيعرفوا علم الأرواح؟ مولانا الشيخ: أيوه. السائل: وهو ما بيعرفه؟ مولانا الشيخ: ما بيعرفه. السائل: ده يكون كيف يا عم الشيخ. . . .؟ مولانا الشيخ: ما علم الأرواح صنعة. السائل (معلقا): صنعة. مولانا الشيخ: صنعة، علم الأرواح ما، ألف با تا ثا بتاعه التنويم المغناطيسي، مش صنعة؟ عند المسلمين في وعند النصاري في، صنعة فقومه متضلعين فيه، علم الأرواح يعني إيه؟ أصلا تعتمد صنعة زى النجارة، برادة كده، بيتعلموه تعليم، بيرقوه بعدين، بيرقوه، بعدين أصله سيدنا يونس اسمه ابن العجوزة من تلامذة سيدنا موسي. السائل:. . . .؟ مولانا الشيخ: أيوه، ربنا أرساله في {مائة ألف أو يزيدون} (1) [الصافات 147] جه لقاه واحدة مرة (2) [أي امرأة] عجوزة إداها السلام ردت عليه السلام وقالت ليه: من فضلك قوامك تعالي عشان نخلص من إكرامك، عشان الشريط الأول في علم الأرواح الكرم. - مالكم؟ إحنا ناس منذرين بالعذاب - ليه؟ ربنا بعت لينا نبي وإحنا أبينا نصدق بيه. - ليه؟ ما بيعرفش علم الأرواح.