مولانا الشيخ: سيدنا موسي قاعد في بيته زعل مرة، نزل فوق البحر، البحر بتاعنا ده، بيلف فوق البحر لقي صياد بيصطاد سمك، بيصطاد سمك بالشبكة، يشيل السمك يخته في آضانه، يرميه في القفه، يشيل السمك يخته في آضانه، يرميه في البحر، عمل كده مرتين 3، سيدنا موسي سأله قال له يا أخي أنت ما عاوز تصطاد سمك، لأنت بتصطاده ليه؟ قال له أنا عايزه، قال له بترمي في البحر ليه إذا كان أنت عايزه ما تشيله وروح، قال له ده سر المهنة بتاعي، أنا موش راح أكلمك بسر المهنة إلا تضمن لي فيه حاجة عاوز أسألك، أنت أكبر واحد في بني إسرائيل أنت النبي بتاعنا قال له قول، قال له أنا طالب حاجة من ربنا وما اداني لغاية دلوقت، مشي، قال له وريني سرك، قال له: عادة الحيوانات والحجارة والأشجار مسبحين طوالي، أجلهم بينتهي بما يسكتوا من التسبيح، أجلهم بينتهي لما يسكتوا من التسبيح؟ فأنا باصطاد السمك اللي بيذكر بارميه في البحر واللي ما بيذكر بخته في القفه، اللي بيذكر أصوليا ما بيدخل في الطراحة (1) [الشبكة] بيدخل في الطراحة عشان حتة منه يدخل في جسمي يروح الجنة.
2. 5 أجل الخلق غير الجن والإنس مربوط بالتسبيح السائل: يبقي السمك ذاته يا عم الشيخ. . . .؟ مولانا الشيخ: إعادة الدرس ده بتغظني ما تسألني حاجة سمعتوه 100 مرة، أجل الخلق غير الأنس والجن مربوط بالتسبيح، مربوط بالتسبيح، مشي بعد بكرة، بكرة، ناجي ربنا، ربنا قال له فيه عبد كلفك حاجة؟ قال له أيوه يا رب واحد سماك دار بيني وبينه كذا وكذا وكذا قال له روح قول له طلبك ده أنا ما خلقته قال له ده عجب، ردك أنت يا رب أعجب من سؤاله وكل اوجود خلقته أنت ما خلقت طلبه ليه؟ قال هو عاوز يقعد لا ياكل ولا يشرب لا ينام لا يمرض طوالي يذكر رده أنا ما خلقتوش الواحد بمرض ويصح ويذكر ويغفل، يمر عليه حالات الدنيا كلها، ده موضوع براه وداك براه. 3. 5 علم الأرواح وقصة سيدنا يونس