يبقى أحلى من كده يجى سيدنا الحسين ويقعد محل الشيخ، الشيخ وسيدى موسى ياخدوا بيرقين ويقفوا وراه، وبعدين يجى صلى الله عليه وسلم وديل كده، ديل قاعدين انت تعمل أوراد هناك؟ ديل قاعدين وانت تتونس جنب الأزيار، ياوسخ، ديل قاعدين انت تتونس جنب الأزيار؟ يقول: يا حضرة قد شعشعت أنوارها ذكر الحبيب شعارها ودثارها وملائك الرحمن قد حُفتَ بها والصالحون ومن هُم أبرارها السائل: طيب ياعم الشيخ لو افترضنا الواحد يكون متأخر، إذا إفترضنا جاء واحد والناس واقفة متأخر ولقى الحضرة بدأت وماصلى العشاء هل يخش الحضرة ولا يصلى أحسن؟ مولانا الشيخ: ده مش شغلى، أقول ليهُ إيه؟ مشى يصلى والحضرة داير؟ صلاتك على كيفك ياخوى احنا عاوزين حضرتنا وأورادنا انت وربنا اتخارجوا، دى نكته، عثمان دى نكته، انت وربنا واتخارج على كيفك لكن الأوراد. السائل: بعدين ياعم الشيخ في تمييز للذاكر كونه يكون واقف في صدر البسط ولاَ في أخر الصف ... . هل هى ميزة؟ مولانا الشيخ: إذا فيه محل فاضى معلش، تفج اتنين تدخل وسطهم ده ممنوع. لا تدخلن من بين اثنين بلا علم لهم تؤذيهما ولتعلم ممكن في الصلاة لغاية الصف الرابع وانت تريده إذا كان فيه فرجة، مافي ما تمشى، النظام اللى ماشى عندنا الجداد بيقعدوا في الصف الأول من الذكر، الكبار الذكريين بيجوا متأخرين بيقفوا في الأخر، فده غلط، ده غلط، والمصيبة المشايخ يقعدوا يابيجاى يابيجاى، انت إذا كان الموضوع ده ماعجبك عامله ليه؟ السائل: اللف يمين وشمال مش المفروض على الذكيرين يرفعوا ال ...... مولانا الشيخ: الرسيم السائل: الصوت، الصوت؟ مولانا الشيخ: لا الصوت داك مش شغلك بيهُ، الصوت ماشغلكبيه، بس الحالة يكون زى بعضه. السائل: يعنى الحال يكون زى بعضه، ماالمفروض ينطق الاسم؟ مولانا الشيخ: لأ، جهر الاسم وخفضه ده على كيفهم. السائل: يعنى ما ضرورى ينطق ولا ين؟