مولانا الشيخ: أيوة آداب الحضرة أولاً، أكبر أدب ليهُ، العبادات ربنا موقَتها، العبادات ربنا موقَتها، كل عبادة عنده وقت معين، الحضرة يكون معمول هنا، واحد يقعد بيجاى يتم أوراده، ده ماينفع وقت الحضرة، وقت الحضرة، وبعدين المشايخ بيحضروا في الحضرة، مشايخ الطريقة، عند البرهانية مثلا يقعدوا، الى قاعد وانتوا قاعدين تتونسوا، تضحكوا، تلعبوا زى مادايرين، لمن عاوزين تبتدوا الحضرة، يولعوا الزى بالاستقبال، الاستقبال ده السلام عليكم بتاعهم، أى واحد يقوم يولع الزى يرفع الزى بالاستقبال يخته، بعد كده مافي أى كلام، أى ونس، أى واحد يتم أوراده مافي، خلاص الوقت بقى وقت الحضرة، المقدم يشيل الفواتح، يدخلوا في الذكر، ظاهر؟ اتباع الرَسِيم شرط زى اتباع الإمام بتاع الصلاة، فيه بعض منكم بيكون واقف في الحضرة والحضرة واقف لما يقولوا قصيدة يعملوا كده، ده لعب ماينفع، ده لعب ما ينفع (ما جعل الإمام إلا لأجل أن يؤتم فإذا كبر فكبروا) 50 تتبع الرئيس زى مايكون، عمل الطبقة يمين شمال، تعمل يمين شمال، فوق تحت، فوق تحت، لفوق ساكت، لفوق ساكت، المنع الأول: ماحد يقعد هناك يعمل أوراد يقوم يخش في الحضرة طوالى، ليه؟ المشايخ اللى ادتوهم الفواتح بيكونوا حاضرين، بيكونوا موجودين في الحضرة، لو خيرناك يا عثمان، نعم، الحضرة معمول هنا، أول حاجة السيد أحمد الشرنوبى بيجى بيقعد جنب الزى، شايف الشرنوبى قاعد هناك، انت تقعد هناك تعمل أوراد؟ ماعيب؟ سيدى موسى قاعد، تعمل أوراد هنا؟ كعبين، الشيخ ذاته قاعد، في الأول بيجى السيد أحمد الشرنوبى يقعد جنب الزى، بعدين يجوا 41 من الأولياء حوالينه في الحضرة، لما الحضرة يبقى جميل شوية بيجى سيدى موسى يقعد محل السيد أحمد الشرنوبى، السيد أحمدالشرنوبى يرفع بيرقه ويوقف وراء سيدى موسى، بعدين شويتين ويجى سيدى إبراهيم يقعد محل سيدى موسى، سيدى موسى والسيد أحمد الشرنوبى يرفعوا بيرقين ويقفوا وراء الشيخ