السائل: هى شكلها مربوط بقتل النفس، قتل النفس؟ مولانا الشيخ: لأ، إحنا هسَه في حاجة ثانية، يقول إيه؟ السائل: بيقول لا فرق بينى وبينهم؟ مولانا الشيخ: أيوة، ده حديث نبوى، حديث نبوى، الله. السائل: مولانا اللأفضل شنوه، هل هسه في المطالبة بأنه الذكر يتم بتحديد إنتفاء الغفلة؟ مولانا الشيخ: أيوة السائل: مثلا هسه واحد يحاول، الأنبياء الواحد عشان يصل للنتيجة دى يحاول ينقطع عشان يصل للذكر؟ مولانا الشيخ: أيوه، لالا، لالا، ينقطع ده مافي، ينقطع مافي. السائل: يعنى معناه لازم حياته كلها مايكون غافل مهما كان شغال ولاَ؟ مولانا الشيخ: وما ممكن مايكون غافل، لايمكن، الشتيمة شديد، الشتيمة بتاع ربنا في الخصوص شديد خالص، قال إيه؟ قال {رجال لا تلهيهم تجارة ولا بيع عن ذكر الله} [الإسراء: 31] كونه يوصف الجماعة بالرجال والراجل يعنى الكامل {رجال لا تلهيهم تجارة ولا بيع عن ذكر الله} التجارة والبيع أكبر مصادر الرزق مش كده؟ عادة بيغنوا قوام من التجارة من شدة ما حريصين {رجال لا تلهيهم تجارة ولا بيع عن ذكر الله} مثلا: ده عاوز سجاير بقرش لا أله إلا الله، ده عاوز صعود بتعريفة لا إله إلا الله، ده عاوز سكر بقرشين لا إله إلا الله، مش كده {واقام الصلاة} جاب الاتنين سوا، الذكر ماممكن يبقى ذكر جَدجَد مالم ينتفي الغفلة، ماممكن ينتفي الغفلة مالم يصل الذكر القلب، بالضبط زى قصة القدرية (ألقوه في اليم مكتوفاً وقالوا له: إيك إياك أن تبتل بالماء) عاوزين الذكر قلنا الله الله ده الذكر، مش كده؟ التعريف بتاع الذكر إيه؟ تردد اسم المحبوب من غير ماتفهم منه جلب منفعة أو دفع مضرة الله الله الله ده الذكر، مش كده؟ عاوزين نفي الغفلة اللى هو محل الذكر مش ممكن بعد يصل الذكر القلب. لسائل: عشان كَثرة؟