مولانا الشيخ: جيب الجلابية البيضاء مش معناه ماتجيب السوده، وإن كنت أنا ما قلت معناهإيه؟ ماتجيب غير الأبيض ده مش كده؟ سبحان الله، والحمد لله ولا إله إلا الله، والله أكبر، كده لاإله إلا الله الملك الحق المبين كده، قصة ألف ألف ده كده، شغلانة كده، من قال كذا ألف له كذا من قال كذا الف له كذا كتير خالص، وكمان فيه حديث سيدنا سعد، جاب ليه عرق بتاع شجر طويل، قطعه، جه سخن حديده قصاه، سخن حديده خرمه، سوى فيه دوبارة خيط، في مسجد قباء، جه المدينة، النبي مسكه من ايدهقال له: ماهذه ياسعد قال له: شئ اسبح الله بهن أخرجه الطبرانى وورد في كنوز الحقائق للإمام المناوى برواية (من صلى على واحدة صلى الله عليه بها عشرا) السائل (معلقاً): نعم. مولانا الشيخ: بيلزمنى اى حاجة، مش أعمل بيهُ أى شئ؟ العبادات في الآخرة زى القروش في الدنيا، مثلا القرآن الحرف منه بعشر حسنات، مش كده؟ الصمدية فيهُ 46 حرف كل حرف بعشر حسنات، مش بيناه زى القروش؟ أنا اديته للأمين، يمشى ليهُ ولاَ ما يمشى ليهُ، اديته لأنور، بيمشى ليهُ ولا مايمشى ليهُ، المانع كيف؟ مادمت لما بتقرأ حرف من القرآن بتلقى عشر حسنات، عملت الفاتحة 7 والصمدية 20 أهديته لأمك، لأبوك، لأخوك، لزوجتك، ماله؟ أى ميت ماله؟ مادام الحسنات في الآخرة زى القروش في الدني، المانع إيه؟ هم يقولوا (إذا مات ابن آدم انقطع عمله إلا من ثلاث صدقة جارية أو علم بثه أو ولد صالح يدعوا له) 33 هم بيشوفوا ده المنع بينما ده الجواز، ده الجواز كيف؟ علم بثه، النجارة ما علم، البرادة ما علم؟ خلاص؟ السائل: هل خاصية العلم في القراية والكتابة؟ مولانا الشيخ: لأ، العلم ما القراية والكتابة. السائل: يا عم الشيخ حكاية القبب، القبب، الوهابية طبعا مستندين على الحديث بتاع إنه القبور ماتكون ظاهرة، وأى قبر يكون فاتح، يعنى ممنوع؟ مولانا الشيخ: ما ممنوع وجه المنع شنوه؟