السائل: طبعا الأوراد فيها كل ما يطلبه المريد أى حاجة عاوزها بيلقاه فيها؟ مولانا الشيخ: في الأوراد. السائل: الواحد لو عاوز يجرب بس براه ساكت باجتهاده ويشوف الآ ية المناسبة للحاجة اللى عاوزها ويقراها؟ مولانا الشيخ: مايقدر عشان مابيعرف عدده ولا كيفياته. السائل: هل فيه كتاب مخصوص في كده؟ مولانا الشيخ: كتب علم، علم قائم بنفسه، يوريك عدد الإسم، يوريك سقطه، يوريك تكييفه، يوريك زجوراته، يوريك أشياء كتيرةجدا، أشد كتاب شمس المعارف، لكن أبدا ماممكن الواحد يتوفق قول لى ليه؟ هو 4 أجزاء، فيه جزء يكلمك عن الإسم كلام، في الجزء التانى يتكلم كلام تكملة لداك، في التالت يتكلم كلام تالت، في الرابع كلام رابع، تلم الأ ربعة حتى تعرف الاسم، اسمه شمس المعارف وفعلا شمس المعارف، المطابع كمان غيروا فيه كتير لكن فيه خط، الخط قد ........... 3، 4 مرات. السائل: يعنى لو حصلت حاجة والواحد اجتهد براه وشاف آية وقراها وحصلت بيكون توفيق ساكت؟ مولانا الشيخ: آى أيو مناسبة للغرض. السائل (معلقاً): قريب ده كان عندنا واحد ولده غرق فأنا قريت الآية و (نبذناه بالعراء وهو سقيم) [الصافات 145] طلع فعلا، طلع فعلا الجثة طلعت.