مولانا الشيخ: أما أبا يزيد البسطامي كلامه واضح بس الناس بياولوه غلط، بالناس بياولوه غلط، قال: خضت بحرا وقف الأنبياء بساحله سمعت؟ معني خضت، معناه هو ماشي في البحر ساير يكون المعنى التاني إيه؟ الأنبياء واقفين في البر اللي من هناك هو ماشي لهم، ده العربي كده؟ الخايض يعنى غيه؟ يعنى الماشي، ديلاك واقفين وصلوا البر واقفين. السائل {معلقاً): في شرحك بتاع تبرئة الذمة، أنت شارحه يا مولانا. مولانا الشيخ: الحمد لله. السائل: سيدي عبدالكريم الجيلي يا مولانا، السيد عبدالكريم الجيلي عنده شرح، أنت عارفة ده يعنى؟ مولانا الشيخ: قال إيه؟ قال إيه؟ نسيته؟ أجيب لك الكتاب؟ السائل: الحمد لله، يعني هسه نحنا نسمع، علينا نحنا نسأل وبعدين اللي تقوله نحن نسلم بيه، سيدى أبا يزيد البسطامي قاصد إنه الأنبياء واقفين هناك وهو خايض يحصلهم؟ مولانا الشيخ: أيوة. السائل {معلقاً): خلاص سلمنا تسليم يعنى.