السائل: يا هل ترى إننا يا عم الشيخ من ناحية إنه هو بيري، إنه هو يعني بينتسب إلى المشايخ يعني الواحد يقرا بمحبة وعقيدة بعدين مادام هو بيقرا أورادهم فالمفروض يعني، يعني بيجيبوا ليه طلباته؟ مولانا الشيخ: مفروض ده ما في، وإذا قصر بأوراده بقى إيه؟ مفروض دي شيلها، كلام أفنديا ده شيلها، مفروض ما في، ما تقول، شلت مفروض؟ السائل {معلقاً): نعم. مولانا الشيخ: أقرب الأمثلة، الولد الصغير وأنت، ما واضح؟ قلت ليك ولد صغير جاك انت مشتكينك، أو موديينك السجن، فيجي يقول ليك: داير قرش، تقول له: امشي يا ولد، يمشي يقعد هناك يبكي ويكورك ويشيل التراب فوق راسه، أنا عايز قرش، والله العظيم أنا داير حلاوة، مش عارف ملبس حلاوة، عايز قرش، أنا عايز أكل نبق، في النهاية يكورك، ما يقدرش يقلع منك، فإنت شفقة على تعبه وبهدلته دي راح تديه، مهما كان درجتك مادام عندك، واضح؟ إذا الولد قعد هناك وقال ليك: إديني قرش، قلت ليه: ما بديك، يقول ليك: أنا بوريك، تمشي تدقوا ولا لا؟ ها تعمل له إيه؟ هاه!!! السائل {معلقاً): أي بدقة يا عم الشيخ. مولانا الشيخ: الشيء الغريب، إذا قال ليك شوف يا قبيح يا قليل الأدب أنا هاأوريك، أصلا الاستحقاق، استحقاق من زول على ربنا ما في أبداً، استحقاق كده ما في، ظلم من ربنا في الوجود كله مش ممكن، الظلم إنما تصرف من البرية كيف يحصل لربنا، الحكاية محض فضل، ......... الأنبياء، فده اجتهاد، لمن اجتهد وصل {فَلَهُمْ أَجْرٌ غَيْرُ مَمْنُونٍ} خلاص؟ لكن إن كان ما اجتهد ولا مشي ولا وصل، أجر شنو؟. السائل {معلقاً): ما فيش حاجة يدوا عليها أجر.