عاوزين نعرف الأحكام، ده صلاة، ده صوم، ده حلال، ده حرام، عاوزين نتعلمه، نتعلمه فين؟ قال: عند العلماء، كويس، ربطناه كده، قال: أيوة، قلت ليه: العالم والطالب الإتنين عاوزين يهندسوا البيت ده يروحوا للعلماء ولا يجيبوا مهندس؟ قال: يجيبوا مهندس، العالم والطالب والمهندس، واحد قال ليهم: شوال الدقيق بيطلّع كام رغيف؟ المهندس ده حايعرف؟ قال: لا، المهندس ما يعرفش؟ لا، العالم مايعرفش؟ لا، الطالب مايعرفش؟ لا، أمّال نعمل إيه؟ نروح الفرّانين، يا جناب الفران، إنت مابتعرف شوال العيش بيطلّ كام رغيف؟ ايوة، راح يقول لك كذا، الزراعة كده، النجارة كده، كل الفنون كده، قال: صح، قلت له: من باب أولى، مراتب الذكر لازم الواحد يسأل عنه الناس اللى بيعرفوه (فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (43) النحل) ما دمت إنت ما بتعلم، تفتش الشئ اللى إنت عايزه عند الناس اللى بيعلموا حتى يدلوك، عايزين موضوع السفر، موضوع السير إلى الله المُعبر بالسفر، السير إلى الله المُعبر عنه بالسفر قال ورَّانا تعيين السير، قال (يَا أَيُّهَا الْإِنْسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِ (6) الانشقاق) وحده (من تقرب إلىَّ شبراً تقربتُ منه ذراعاً، ومن تقرب إلىَّ ذراعاً تقربت إليه باعاً، ومن أتانى ماشياً أتيته هرولة) إتنين (سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى (1) الإسراء)، (إِنِّي ذَاهِبٌ إِلَى رَبِّي (99) الصافات) كل ده آيات، مش كده؟ أخيراً عاوزين حد السير (يَا أَيُّهَا الَّذِينَ آمَنُوا اتَّقُوا اللَّهَ وَابْتَغُوا إِلَيْهِ الْوَسِيلَةَ (35) المائدة) يعنى راح تسافر لغاية فين؟ لمن تروح فى الوسيلة، الوسيلة مرتبة، مش الوسيلة بمعنى يوصلوا شئ بشئ، لا، إحنا كل دقيقة أو كل صلاة قاعدين نقول (اللهم رب هذه الدعوة التامة والصلاة القائمة آت