منه، منه، من نفسه لنفسه بنفسه، أمّال لّمن الواحد كان ماسك إسم، ماغيروش باستخارة، ماغيروش بأمر بتاع المشايخ، ماغيروش بأمر نبوى، مغّيروا ليه؟ فكركم الإسم بيقّدم؟ بعض أولاد الطريقة من قلة أدبهم يقولوا إحنا قرينا وقرايتنا ما ماشية، قرايتكم ما ماشية يعنى قاعد؟ إمشوا جيبوه، احنا ما ماشية، ما ماشيين وقاعد؟ إذا ما ماشى معناه قاعد، كده امشوا جيبوه، ده ما ممكن، فالواحد يحترم العملية (إن الله ينزل العبد حيث أنزله)، من أراد أن يعرف منزلته عند الله فلينظر ما منزلة الله عنده)، أنا كلمتكم قصة علوق الشدة، كلمتكم قصة علوق الشدة، فربنا جل وعلا فى صريح المصحف بيقول وَإِذِ ابْتَلَى إِبْرَاهِيمَ رَبُّهُ بِكَلِمَاتٍ فَأَتَمَّهُنَّ الظَّالِمِينَ يعنى قرا الإسم لغاية ما ورّده، تمم مراتب الإسم، عادة الأعداد، الأعداد عند الناس شكل وعند الصوفية شكل آخر، تجد مثلاً زى البسملة، عند الناس عدد 19 ألف، عند الصوفية 12 ألف، تجد الصمدية عند الناس 1002، عند الصوفية 1117، إيه الفرق ما بين ده وده إيه؟ الأعداد بتاع الصوفية للسير إلى الله، لو قدّرنا إننا عاوزين نسافر نروح ود مدنى، إفرض إنه التذكرة بجنيه، زودنا خمسة قروش مش راح يودينا بركات، فوّتنا البلد غايتنا، نقصنا خمسة قروش راح يودينا فى طيبة ولاّ لا؟ ما عربى؟ ما واضح؟ الأعداد بتاع الصوفية مظبوطة بمحطات، زى التذكرة بتاع السكة الحديد، إذا بالغلط فات على اللى اللسان زى بعضه، لكن عمداً بيتخرب، واضح؟.