الراجل الكبير انبسط، الراجل الكبير انبسط، من شدة ما انبسط، قال لىِّ: يا شيخ محمد أنا عايز أسألك حاجة تانى – خلاص عملتوا لينا – عايز أسألك حاجة تانى، قلت ليه: اتفضل، قال لىِّ: الطريقة، كل ياهو طريقة، ليه اللى بياخد منكم الطريقة بيمشى طوالى كويس، وحتى إذا شاله الهوى وبقى سفيه بيكون عنده عقيدة كويسة ويرجع لم يتوب يمشى طوّالى عديل كويس، وليه اللى ياخد مننا السنة ده، السنة الجاية ما يجى، اللى مشى سنتين تلات سنين ما يمشى، اللى مشى تلاتة أربعة ما يمشى، عشان إيه كده؟ قلت له: يا عم الشيخ إنت حلفتنى، وأنا حاأقول لك وإنت مش راح تسمع، قال راح نسمع، قلت له مش راح تسمع، أنا استرشدت من ناس مرشدين عندهم إذن الإرشاد، وإنت راجل ماشى على حسب ما مكتوب فى الكتب، فمن الحيثية دى إحنا مش رايحين نتفق، أحسن خلينا من السيرة دى، قال أنا حلفتك، قلت له طيب، ابن السيد واحد من ناسه إبن أخته كمان، نعم قلت له إنت قريت أوراد إيه وإيه وإيه مما أخدت الطريقة؟ قال لى قريت السبع أسماء، فيه سبع أسماء عندهم، النفس الأمارة يقروا لها (لا إله إلا الله)، اللوامة يقروا لها (الله)، الملهمة يقروا لها (هو)، كده سبع أسماء، قال أنا قريت السبع أسماء ديل، ودوّرت فيهم كده، قال قريت السبع أسماء ديل، سبع مرات، طيب، سألت التانى، قال قريته ست مرات، سألت التالت، قال عشر مرات، سألت واحد، سبعة، تمانية، تسعة، عشرة، سبعة، تمانية، تسعة، عشرة، مرينا عليهم كلهم، سامع يا شيخ شرقاوى، قال لى سامع، أنا معايا إتنين من البرهانية، قلت له إسأل ده قل ليه: إنت فى ياتُو اسم؟ سأله، قال له أنا مسكت الاتغفار كده، وغيرته، وبعدين دخلت فى التهليل، وغيرته وهسه أنا فى المفرد. بقى لك كم سنة فى المفرد؟ قال له: بقى لى سبع سنين. سأل التانى، قال له: أنا ما فى المفرد، فى اسم ادانى ليه الشيخ، بقى لى عشر سنين. قلت ليه: كويس، سمعت كلام ناسنا ديل؟ قال: أيوة.