مولانا الشيخ: أيوة، كاف، هـ، يـ، يعنى إيه؟ يعنى يس صلى الله عليه وسلم، عين الحضرة الصمدانية، فالشيخ هنا قال (كد) كاف يعنى الكون، وبعدين يقول يا رب أسألك بالأسماء الإلهية اللى أوجدت بها الكون اللى هو الكاف، مش كده؟ الدال المكسورة المنون وضحت إنه الكون بيذكر، مش كده؟ أتوسل إليك يا رب بالأسماء الإلهية اللى أوجدت بها الكون وبالأسماء الإلهية اللى بيذكر بها الكون، مش كده؟ (كد) عشان الوجود ما بيذكرش بالعربى، بيذكر بلغته، مش كده؟ يقول كُلٌّ قَدْ عَلِمَ صَلَاتَهُ وَتَسْبِيحَهُ41 النور، مش كده؟ بعدين كونه (كدٍ كدٍ) يعنى ظاهرها وباطنها، ده، السموات السبع، الأراضين السبع، الأرياح السبع، البحار السبع، ومن فيهن، ده الكون وبعدين قال ده الملك، عاوزين الملكوت، اللى هو إيه؟ اللى هو مواطن الجنان كلها، قال كدٍ كدٍ، كرددٍ زوّد الراء هنا، الكاف كناية عن إيجاد الجنان كلها اللى هو عالم الملكوت، الرا يارب إنت أوجدت العرش من راء الرحيمية النبوية ده زيادة الراء، (كَرْدَدٍ) ذكر الدندنة الموصّل لنعيم الجنان ظاهر؟ (كَرْدَدٍ) ظاهر؟ بعدين قال (كَردَهٍ) اللى هو إيه؟ ملك، ملكوت، جبروت، حضرة العرش، الكاف كناية عن زى ماقلنا، الراء راء الرحمانية المستوى على العرش، ظاهر؟ (دَدٍ) عن ذكر الدندنة الموصّل لمعرفة الرحمانية اللى هو المصحف فى العرش، كدٍ كدٍ، كرددٍ كرددٍ، كردهٍ كردهٍ بعدين قال (دَهٍ دَهٍ) هنا مش محل تكوين بقى، هنا موطن الأرواح المجردة اللى هو عالم (الملكوت، ملك، ملكوت، جبروت، لاهوت) ذكر الأرواح وتدريس النبى للأرواح اللى دّرسهم فى الأزل، كدٍ كدٍ، كرددٍ كرددٍ، كردهٍ كردهٍ، دهٍ دهٍ ظاهر؟، واضح كده؟ الهاء دى هنا كناية عن رباط عالم الأرواح بـ هاء الهوية، بعدين قال (دَه دَه) مرتبة (أَوْ أَدْنَى) 9 النجم، الذكر مايوديش هناك فلذلك شال الدندنة قال (دَهْ). السائل (معلقاً): وصلوا.