مولانا الشيخ: أيوة، ما كذابين، كذابين ليه؟ كذابين ليه؟ أصالةً، بص، إحنا عملنا السبحة بنذكر بيه، مش بنذكر بيه أنا أكون قريت ألف ربنا يقول لى قريت 999، لا، مش عشان أحاسب ربنا، عشان أحاسب نفسى، لما الواحد يصلى على النبى 10، 15، نفسه يقول ليه إنت صليت على النبى 1000، بينما هو صلى 10، 15، إذا ذكر 10، 15 يعتقد إنه ذكر آلاف، بينما هو ذكر يا 50، يا 100، يا 200، ظاهر؟ ده دقة، حرص على الذكر، السبحة، خلاص؟ على كل حال فى الكتاب بتلقى الكلام ده واضح، أوضح من كده، خلاص يا عم الشيخ؟ مطلق الذكر، مطلق الذكر، لّمن المصحف تبارك وتعالى يقول صلوا، صلينا، صوموا، صمنا، مش طاعة الأمر الإلهى واجب على كل المسلمين؟ لما يقول (فَاذْكُرُونِي أَذْكُرْكُمْ) 152 البقرة، معناه صلوا لى أصلى لكم، معناه صوموا لى أصوم لكم، حجوا لى أحج لكم، مش ده فرض قائم، ده حاجة لوحده، والعجيبة مش فى الذكر، فى التطهير، المصيبة مش الذكر وكفى، إنه التطهير ما ممكن إلا بالذكر، التطهير، تطهير القلب، تصفية الروح، صبغة نور الإسم الله ما ممكن إلا من الذكر، من حاجة تانية مافى، أى حاجة مافى، وبعدين اللى قال ليك أذكر، زى الإسرائيليين يقولوا لينا أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ85 البقرة، ما دام صاحب الأمر واحد، الأمرين بيكونوا واحد، خلاص يا عم الشيخ؟ وبعدين واحد يقول ليك أنا باصلى كويس، أنا قريت الفقه، مش كده؟ أنا قريت القرآن، حافظ القرآن وكذا وكذا، ده كله ما علم، يعنى النبى عليه الصلاة والسلام يقول (أهل القرآن هم أهل الله وخاصته) أهل من؟ أهل الله الخاصة مش الحافظين القرآن، أهله، أهلك يعنى إيه؟ مش أخوك وابن عمك وابن خالك وابن خالتك وكلام زى ده؟ النبى بيقول (أهل القرآن) مش حافظين القرآن. السائل: القرّائين القرآن؟