مولانا الشيخ: الفتوح لّمن يكون فى مرتبة ومرتبة ومرتبة ومترقى ما كويس. السائل (معلقاً): الفتوح. مولانا الشيخ: الكشف والتنوير اللى ماقدرش يعرف أب ت ث ما يقدرش يقرا المصحف، فلازم تعرف الأول وبعدين تيجى لده، ولاّ إيه؟ إذا أخذ الطريقة صاحبك ده أحسن له. السائل (معلقاً): إن شاء الله. مولانا الشيخ: إذا أخذ الطريقة واتبع السكة من الأول، ده المضمون يا أخ (دع ما يريبك إلى مالا يريبك) السائل: ايوة صح، احنا علينا النصيحة؟ مولانا الشيخ: وعلى الله القبول، والله صبور، سمعوا سمعوا، ما سمعوا إن شا الله ما عنهم سمعوا، ولا جُوه للبر، شربوا موية الحيا. السائل (معلقاً): سيدنا الخضر. مولانا الشيخ: أصله سيدنا الخضر واسكندر ذو القرنين أولاد خالات، اسكندر ذو القرنين اللى فى المصحف ده. السائل (معلقاً): أيوة يا عم الشيخ. مولانا الشيخ: أولاد خالات، وهمّ الاتنين تلامذة أفلاطون، أفلاطون مش إغريقى. السائل: إغريقى؟ مولانا الشيخ: لا، ما إغريقى، أفلاطون قريب العهد من سيدنا إبراهيم، سيدنا إبراهيم الخليل واهتدى ببعض كتب منه، الصحف بتاع سيدنا إبراهيم، بعدين قرروا الفلسفة على أفلاطون (الزايرجه وماالزايرجه والكسر والبسط والأسماء والتركيب والفلسفة كلها بقى، الطب والسيما والكيميا وكل حاجة) وبعدين اسكندر ذو القرنين عد الجيش بتاعه وعاوز ينشر الدين وعاوز موية الحيا. السائل: عاوز ينشر الدين؟ مولانا الشيخ: أيوة، وينشر الدين فعلاً، بعدين بلغ مشرق الشمس، بلغ مغرب الشمس، وكان قوى جداً بيقولوا الرؤسا ـ البرهتيه ما فى حد وصّلوا مراتبه العالية إلا أربعة أنفار. السائل: مراتبه العالية؟ مولانا الشيخ: أيوة، اسكندر ذو القرنين وسيدنا سليمان من الموحدين وهناى فرعون والنمرود بن كنعان. السائل: فرعون كان؟ مولانا الشيخ: أيوة بيعرف، فرعون كان ابن كلب جداً يعرف البرهتيه صح وردوه. السائل: يعنى المراتب العالية يعنى أد إيه يا عم الشيخ؟