الجواب : ممكن ـ وممكن تعرفه كمان وجايز لا ـ حكاية سيدي إبراهيم لما جه لمولانا الشيخ من دسوق أيام المولد سنة 1974 م وجه في صورة مجذوب مهلهل وأعطاه حتة حلاوة وأعطاها للشيخ صالح أمين وبعد ما فات عرف أنه سيدي إبراهيم بيعمل زي ما هو عاوز . سؤال : ما هو توضيح المهديين القبلين الخلفاء لسيدنا المهدي الكبير ؟ الجواب : يظهروا علشان يحسنوا ظاهر الشريعة ـ وهي مرتبة سيدنا عثمان بن عفان يقسموها على اثنين ثلاثة أربعة زي ما يكون في المهدية النظام كده ـ شغلهم يجيبوا الشريعة . والنبي صلى الله عليه وسلم بيكون مؤيده ما في أحد يقدر يعارضه والأولياء يشتغلوا معاه واللي يعارضه إذا كثر يموت طوالي وما يأخذوا زمن كثير وما بيورثوا مرتبتهم ( يعني أن أي واحد لازم يسلم واحد ) بس بييجي لفترة معينة لإصلاح الشريعة وبعدين تنتهي . سؤال : هل المريد يتوقف سيره وحاله على مرشده اللي أعطى له الطريقة . حتى لو توقف عن الطريقة أو كسل في أوراده ؟ الجواب : ما له تأثير عليه في أي حاجة .. وإذا المرشد طلع من الطريقة يضيفوا المريد على المشايخ اللي أعلى منه . ولو اجتهد ممكن سبقه لأن الطريقة موطن اجتهاد وسكة اجتهاد دي يتساوى الشريف والعادي . سؤال : ما فائدة آية الكرسي ؟ الجواب : من فوائدها حماية البيوت من السرقة . تكرر آية الكرسي 50 أو 70 مرة في كل مرة تكرر ( ولا يحيطون بشئ من علمه إلا بما شاء .. ولا يؤده حفظهما وهو العلي العظيم ) ..... مرات . سؤال : عن السيدة نفيسة ؟ الجواب : واسعة جداً في العلم . بنت سيدي حسن الأنور . ومذهب الإمام الشافعي منها لأنه قرأ عليها كثير . واسمها نفيسة العلوم . برة العلم خالص . خالص . سؤال : بنقول أن سيدنا عيسى حي سيدنا إلياس حي وسيدنا إدريس حي . وأرواحهم في السموات . والقطب عنده ملك السموات والأرض . ومن فيهم . فكيف يتصرف معهم ؟