س و ج لسيدي فخر الدين

سؤال : في الختام ساعات بنقول من أول ( بالأولياء الصالحين بجمعهم .. ) فما صحة ذلك ؟ الجواب : ما يجرى حاجة . واحنا كمان بنعمل كده . أي حدي يقولوه الأولياء تعتمدوه 100 % لأنه بيصل للنبي صلى الله عليه وسلم يعرف منه الحديث . حدث في التاريخ سيدي عبد الرازق الوفائي ولد صغير بيدرس في الحديث عند واحد روى حديث فلان عن فلان عن فلان قال . قال رسول الله صلى الله عليه وسلم ( كذا . كذا ) سيدي عبد الرازق الوفائي يقول له : يا مولانا النبي صلى الله عليه وسلم ما قال الحديث ده . ثاني يركبه من الأول يقول له : النبي صلى الله عليه وسلم ما قال الحديث ده . حكاه ثالث . قال له : ما قال الحديث ده ـ قال له الرجل : يا ولدي أنت بتقرأ عندي ولاَّ أنا بقرأ عندك ؟ أنا سلسلت الحديث فلان عن فلان قال قال رسول الله صلى الله عليه وسلم أنت ما مقتنع ؟ قال له : النبي صلى الله عليه وسلم واقف جنبك بيقول : أنا ما قلته ؟ جه الولد مسح على وجهه . الشيخ لقى النبي صلى الله عليه وسلم واقف جانبه يقول له : الكلام ده أنا ما قلته ؟ النبي صلى الله عليه وسلم فات ، الشيخ جري وراه الولد كمان جري وراه . إبليس عنده في كل موطن خدمه ده فيما إذا كان باب القلب ما انسد ـ عنده في كل موطن من العبادات باب يدخل به . ده فيما إذا كان الإنسان سد بابه من الظهر محل بابه بخاتم النبي صلى الله عليه وسلم محل ما يدخل على النفس بعدين يسلط الهوى ـ بعدين يلخبط الكيان ( يعمل لخبطة يعني ) إذا الإنسان لما يكون مجتهد وما يترقى في الذكر ييجي يقول له أنت أحسن تمسك لك اسم بتاع تصريف . اقطع شبكة الدنيا علشان تفضى للعبادة ده واحد ، أحسن روح اتعلم الكيمياء ـ أحسن روح اتعلم الاسم الأعظم علشان يكون ده شباك برانية بيوجه بيه المريدين اللي ما ترقوا في الذكر . واحد ترقى في الذكر ماله ومال ده ؟