الجواب : السحر أصناف كثيرة ـ فيه نوع اسمه سحر ( التخيل ) وفيه سحر اسمه ( سحر الاسترهاب ) ودول هم سحرة سيدنا موسى وده بيعملوه عند سيدنا المحمدي الدمرداش في مصر ـ وده مالوش حكم شرعي لأنه هزار ساكت ، إذا حد يحكموا عليه ـ إذا تقع يحكموا . والعلماء يسموا ده سينما . وفيه أعلى منه ( ما كفر سليمان ولكن الشياطين كفروا يعلمون الناس السحر ) الآية . سيدنا سليمان وقف في بناء بيت المقدس 40 سنة وبعدين اليهود بيكتبوا والجن بيكلموهم أسحار ـ يعني يكتبوه ـ ويحطوه تحت كرسي سيدنا سليمان ولما سيدنا سليمان مات طلعوا الأسحار دي وقالوا ( أن سيدنا سليمان كان بيسحر للجن والإنس وللطير والوحوش والهوام . ربنا وضح للنبي صلى الله عليه وسلم وقال ( وما كفر سليمان ولكن الشياطين كفروا يعلمون الناس السحر ) وده السحر ( المكفر ) . ( يعلمون الناس السحر وما أنزل على الملكين ببابل هاروت وماروت ) الآية . الملائكة قالوا لربنا : الصنف البشري بيعصاك ليه ؟ قال لهم عز وجل : أنا لو ركبت فيكم ما ركبته فيهم راح تعصوا زيهم ؟ قالوا : مش ممكن . قال لهم : طيب نقوا منكم علشان ننزله الأرض ـ فنقوا 400 اتصفوا لغاية ما بقوا 4 والأربعة بقوا 2 قال لهم بس كده وركب فيهم النفس والهوى والشيطان ونزلهم الأرض يحكموا من الصبح لغاية العصر بين الناس ـ يصعدوا للسماء بعد العصر ـ ثم ييجوا ثاني يوم في الصبح وهكذا .. فيه واحدة جميلة اسمها الزهرة جاءت ليهم وهم مركب فيهم النفس والهوى والشيطان ـ زيهم زي لناس ـ راودوها عن نفسها أبت ـ ثاني يوم جاءت راودوها عن نفسها أبت ـ بعدين قالت لهم : علموني الاسم اللي بتصعدوا بيه إلى السماء حتى أمكنكم من نفسي ـ علموها طارت بعد ما قرأت الاسم ده بقت روحانية ـ فطارت ـ ربنا وضح هذا ( وما أنزل على الملكين ببابل ) الآية ..