سؤال : الدرة البيضاء مختلفة عن الياقوتة الحمراء مع أن النور واحد ؟ الجواب : ده مركز وده مركز .. ده موطن وده موطن .. لكن موجودين قبل الزمان والمكان .. ما يتربطوش لا بالزمان ولا بالمكان . أول حاجة اسمه المكان هو العرش ( مكان الصفات ) وما فيش حاجة اسمها المكان قبل ذلك . وأول حاجة اسمها الزمان : دورة الأفلاك لما خلق الأفلاك ودارت . لكن دول ما عندهمش تعيين لا في الزمان ولا في المكان .. زي لما واحد يقول ربنا فين ؟ ما فيش تعيين .
سؤال : حسب التاريخ فإن النبي صلى الله عليه وسلم جاءت له الرسالة وهو في سن الأربعين ولكن المدة السابقة كيف كان فيها .. وهو صغير مثلاً ؟ الجواب : كنت نبيا وآدم منجدل في طينته .. يا يحيى خذ الكتاب بقوة .. وأتيناه الحكم صبيا .. ، ( سيدنا عيسى ) إني عبد الله .. سن الأربعين ده ما في .. كنت نبيا وآدم بين الماء والطين .
سؤال : عرفنا أن الملائكة كل واحد ما بيعرف إلا اسم واحد .. فكيف يمكن له أن يتصرف ب كن ؟ الجواب : ما يقدرش ، يقول ازاي .
سؤال : لكن فيه ملائكة ما عندهمش الاسم القادر لأن الملائكة كل واحد عنده اسم معين . مثلاً واحد عنده الاسم اللطيف كيف يعرف سر القدرة ؟ الجواب : ده من القدرة ، الباسط لا يعرف القابض لكن مرر الأسماء كلها إلى القدرة كن موطن القدرة كلها .. هو ده الورشة .
سؤال : الأولياء ورثة الأنبياء . أي رسول أو نبي بيجي في زمنه .. ربنا اللي بيتولاه وبيعلمه لوحده ؟ الجواب : ما في زي ده .
سؤال : أمال ؟ الجواب : النبي صلى الله عليه وسلم . دي قفشة جديدة لنج .. جبريل بيجيب للرسول الوحي ؟ بيأخذه من فين ؟ .. إذ أخذ الله ميثاق النبيين ، النبي أولى بالمؤمنين من أنفسهم .
سؤال : هل الولي ممكن أن يتعلم لوحده أو أنه شرط يكون فيه شيخ حي مأذون يرشده ؟ الجواب : أصلاً هل ممكن حد يتعلم لوحده ؟
سؤال : هل يعني ذلك أن أي نبي بيتولد عارف كل حاجة وهو لسه مولود ؟