الجواب : المعروف أن جسمه كله واحد ، ترقى بس ، وللآخرة خيرلك من الأولى .
سؤال : بعد الحقيقة المحمدية يترقى والاّ أيه ؟ الجواب : كله زي ما هو .
( الأرواح والأجساد في القبر )
حصل أن سيدنا عيسى لقى جماعة من ناسه أبوهم توفى وعاوزين يقتسموا الميراث .. اختلفوا مع بعضهم ( إخوة غير أشقاء ) لدرجة أن كل واحد منهم وضع للثاني السم في الأكل علشان يموت .. سيدنا عيسى فايت من الشارع شاف الحكاية دي ـ دخل عليهم . البيت مبني من طوب . ضرب طوبة وقال له تكلم عن تاريخ حياتك . قال أنا من الأوائل لقوم سيدنا موسى مت ودفنت . محل التربة بتاعي بعد كذا سنة شالوه وعجنوه وبنوا به فرن عشت في الفرن كذا سنة . ثم اتهد الفرن وأنهم . شالوا التراب بتاعي سووه في البيت . عشت كذا سنة اتهد البيت شالوه حطوه في زريبة . عشت فيه كذا سنة . سيدنا عيسى سأله . ومرت عليك من أحوال القيامة أيه ؟ قال مرارة الحساب اللي ابتدأت به لسه لغاية دلوقت في لساني وما خلصت .. قال له بس .. وكب السم وقسم الأموال .
سؤال : يعني وجوده في الفرن والحاجات دي تعذيب له ؟ الجواب : أيوه .
سؤال : لو واحد روحه مش كويسة كان في نفس المكان فهل يعاكس المكان إذا وضعوا في مكان واحد ؟ الجواب : أيوه أيوه ـ وقال صلى الله عليه وسلم جنبوا موتاكم أشراركم . قالوا يا رسول الله : الشرير يضر في الآخرة كما يضر في الدنيا ؟ قال أنه لأشد ضرراً . سؤال : سيادتك قلت أن نفس القبر ممكن يكون واحد منعم وواحد معذب ؟ الجواب : أيوه الحديث كده .. ده منعم وده معذب .
سؤال : يقولون عندنا في الصعيد أن لو واحد انتقل يطلع عفاريت في مكانه فهل هذا صحيح ؟ الجواب : جن ـ صل ـ نوع من الجن . ليس في صورته .. يرتفع كده وبعدين يجي نازل كده علشان يخوف زيد من الناس وبس . وأي واحد فايت من الخلاء يشوفه إذا هو عاوز .
سؤال : أحياناً يجي جن على شكل حيوان ؟ الجواب : لا .. ده جن عادي .