الجواب : بيشوفها . وكل واحد أموره خلصها تمام .. حوسب وانتهت أموره وكل حاجة من حيث العروض والبعث والقيامة من الدنيا هنا وخلاص .
سؤال : وعرف مقره ورتبته عند ربنا وكل حاجة ؟ الجواب : إنهم زي ما تفهم .
سؤال : وهل كل الأولياء بهذا الشكل والا كل واحد على قدره ؟ الجواب : الكبار .. بتمر عليهم الأيام والساعات ودقائقها والشهور وأعمالهم ، كل حاجة بتمر عليهم هنا .. بيمر عليهم الدهر وأعمالهم والأشهر والأسابيع والأيام وساعتها ودقائقها والأعمال المختفية إلى الله والأعمال اللي ما موجودة كلها عندهم .
سؤال : اللي فات من عمره والا اللي لسه حيجي ؟ الجواب : كله كله واللي جاي كمان .
سؤال : يعني التفصيلات الدقيقة والأعمال المقبولة والأعمال المردودة وكل حاجة ؟ الجواب : ( ضحك ) يقولون : لذاتي بذاتي لا لكم أنا ناظر’’ وما هذه الأكوان إلا مظاهر يعني الواحد صلى الله عليه وسلم وميت وحشر ونشر كل أحوال يوم القيامة مرت عليه علشان لما يبعث يبعث آمن .
سؤال : ما هي المرتبة التي يعرف فيها الولي جميع الأولياء ؟ الجواب : ده الرئيس .. كلما كان لفوق يعرف اللي تحت منه .. رئيس الأولياء عموماً في أي زمن يكون كده . همَ دول الماعون الفاضي بين يدي الله يحط زي ما يحط .
سؤال : هل بيكون فاضي وساكت واللي يديه له يديه والا بيكون شايف التفصيلات أمام عينه ؟ الجواب : ده برضه كمان .. ده موجود وده موجود ، واحد يبص في كفه يقرأ في كفه كل ما كان وما يكون .. يقولون : كأن الكرام الكاتبين تنزلت على قلبه وحياً بما في صحيفته
سؤال : هل الولي صاحب الوقت يتولى التصريف بمعرفته في كل حاجة أو أنه ( يفوض ) بعض الأولياء في بعض الحاجات ؟ الجواب : أيوه كل واحد عنده اختصاص في حاجة والرئيس محل الباقين كلهم .