من دروس الإمام

الجواب : لمقفنجل في أورادك تكفي عن كل ذلك .

سؤال : كنا بنتكلم على أنه بالنسبة للأولياء علمهم شامل حتى بالنسبة للذرة ومراكب الفضاء وغيرها ، وقد راجعنا كلام سيادتك وجدنا فيه أنه إذا مات جميع المخترعين ( طيارة ـ صواريخ ) يستطيع الأولياء أن يعيدوا ... ؟ الجواب : يستطيع الولي الواحد ..

سؤال : الولي الواحد كمان ؟ الحتة دي عاوزة توضيح ؟ الجواب : حتى الأولياء يموتوهم .. الموضوع ده مربوط في قوله ( ما اتخذ الله ولياً جاهلاً ولو اتخذه لعلمه ) يعني علمه .. يعني ربنا يعلمه حاجة وما يعلموش الحاجة الثانية ؟ علمه كل شئ .. لازم يعرف كل الصناعات وكل الحكم و كل الاختراعات وكل المحركات .. كلها لازم الولي يعرفها من حيث أنه علمه الله . لما سيدنا آدم نزل من الجنة معه 124000 علم ، 124000 لغة ، 124000 لون ، 124000 صنعة والخروج بتاعهم بالمصادفات .. فلان في زمنه يخترع طيارة بعد 40 سنة ، فلان يخترع القنبلة الذرية بعد 50 سنة ، فلان فلان على حسب الحكمة الإلهية المقدرة .. لكن كونه عارف .. عارف .

سؤال : أي ولي مطلقاً ؟ الجواب : مطلقاً ، ويعرف هندسة أكثر من المستشار بتاع البحرية ، ومحاماه أكثر من أي محامي .. أي حاجة .

سؤال : لكن يا عم الشيخ بيقولوا القصة بتاع النخل اللي النبي صلى الله عليه وسلم قال : اتركوه فلما تركوه سوس ؟ الجواب : النص أنه قال لهم لو توكلتم على الله وتركتموه لمنع عنه السوس .. الحديث كده .. وبعدين خلوه .. ضرب فيه السوس .. النبي قال لهم أنتم أعلم بمصالح دنياكم .. لم يقل أنتم ما توكلتم كويس ( سر الموضوع ) قال لهم أنتم أعلم بمصالح دنياكم ودي كمان نص في الاختراعات الدنيوية كل واحد يجتهد في دنياه زي ما يقدر .. مثلاً واحد زي فلان يجتهد علشان عاوز فلوس كثير يعمل عيادة .. وأنت ( الكلام لشخص آخر ) إذا عملت عيادة ما تنفعش معاك . كل واحد في اختصاصيته يخترع اللي يجديه .. اللي هو عاوزه .