طب ما هو اللي حكيناه ده إحنا عملنا إيه؟ مش (إذا مررتم برياض الجنة فارتوا، قالوا: وما رياض الجنة يارسول الله؟ قال: حلق الذكر)، ربنا قال {الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ} (2) سورة آل عمران: الآية 191، خلاص؟ أنا ما قلت حاجة غريبة، اللي بخته شديد هو اللي بيجي للصوفية، اللي ما بخته شديد ما تخلوه قوله جاتك داهية روح، أنا قبل شوية مش قلت كده؟ يعني يا أستاذ قبل شوية إنت ما كنتش جيت، أنا قلت يا أخوانا في كلب واد ناس؟ كلكم قولتوا الكلاب كلهم أولاد کلاب، مش قولتوا كده؟ كلب أصحاب الكهف بإتباعه لأصحاب الكهف بقي من الأوليا وداخل الجنة، إحنا بإتباع ديل وديلاك ما بنبقي زي كلب أصحاب الكهف؟ مش واضح؟ إحنا بختنا شديد جداً لما اتبعنا ديل، هه؟ تلات مرات النبي رقص، دي واحدة منهم، تلات مرات النبي اهتز ورقص، مرة، هه؟ واحد قال للنبي عليه الصلاة والسلام: ألا كل شيء ما خلا الله باطل وكل نعيم لا محالة زائل وبعدين شنو كده انفق ولا تخشي من ذي العرش إقلالاً النبي رقص، قالوا له: تنهانا من الرقص وترقص يا رسول الله، قال: الكيس من إذا ذکر حبيبه رقص، خلاص؟ واحد؟ مرة تاني لما نزلت {وَالضُّحَى} (1) (سورة الضحى: الآية 1).، هه؟ في {وَلَسَوْفَ يُعْطِيكَ رَبُّكَ فَتَرْضَى} (2) (سورة الضحى: الآية 5)، النبي إهتز ورقص، قال نفس الشيء، الكيس من إذا ذكر حبيبه رقص، تلاتة لما نزلت {الَّذِينَ جَاهَدُوا فِينَا لَنَهْدِيَنَّهُمْ سُبُلَنَا} (3) (سورة العنكبوت: الآية 69)، النبي اهتز ورقص، قالوا له: يا رسول الله تنهانا عن الرقص وترقص تلا الآية، هه؟ {الَّذِينَ جَاهَدُوا فِينَا لَنَهْدِيَنَّهُمْ سُبُلَنَا}، هه؟ قالوا له: يا رسول الله وده فيه معني إيه؟ قال: رجعنا من الجهاد الأصغر إلى الجهاد الأكبر، قالوا: وما الجهاد الأكبر يا رسول الله؟ قال: جهاد النفس، قال إيه؟ (جهاد النفس).
مراتب السير إلى الله