ابن دقيق العيد كان يقول للسيد البدوى يا مجنون ما تيجى في المعهد تتعلم لك حاجه في الدين , وبيجى فايت من جنبه كل يوم يقوله يا مجنون ما تيجى تتعلم لك حاجه , قال مجانين إلا أن سر جنونهم عجيب تانى برضه قال له يامجنون , قال هاتوا جنونى وهاتوا من جننت به فإن تساوى به فلا تلومونى , فضل يقوله كده , تمشى منى وإلا أطير دقيقك يابن دقيق العيد , عمل له كده ورماه في أرض السمسمة , فضل هناك زى سبع أيام أو أربعين يوم , ياكل من القش بتاع الأرض , حشائش الأرض , أخيرا هوا طبعاً عالم قوى كبير في مذهب الإمام مالك , انكر علشان علمه , راح له سيدنا الخضر قال له أنت منين؟ قال له انا من مصر , قال مصر إيه وكام ألف سنة من هنا يوديك مصر , قال له بالله اللي جابك هنا ايه؟ قاله والله فيه واحد مجنون عندنا هناك في طنطا , طنطا ده السيد البدوى , قال أنا كنت أقول له يا مجنون , عملى كده , قال له يا سلام , ما شايف القبة اللي هناك , ده بتاع سيدى أحمد الرفاعى , الثانى بتاع سيدى عبد القادر الجيلانى , الثالث السيد أحمد البدوى , الرابع بتاع السيد إبراهيم الدشوقى , اتيمم وروح انتظره , الخمس صلوات بيصليهم هنا , روح انتظر وأقعد في الصف الأول من قبل ما هم بيجوا , أول ما يصطفوا الناس , يصلوا , إمسك في رجله وقوله أنا تبت يا شيخ العرب مسك في رجله وقال له رجعنى , قال تبت؟ قال له أيوه , قال له طيب , لقى نفسه في طنطا ده اسمه أرض السمسمة. السيد إبراهيم الدسوقى رمى العماء هناك برضه , مش فتح لهم باب الخلوة قال لهم فوتوا اتفسحوا وتعالوا , رماهم هناك , الجهة دى اسمها أرض السمسمة واسمه أرض الخيال , كل واحد من الأقطاب الأربعة له ربع هناك وله جناين. بيسموا أرض السمسمة دى أرض الخيال , الأولياء بيمروا عليه كثيرين , بيقولوا: أرض من المسك النقي ترابها ومن الجواهر ربوها وقبابها