ده موجود في الكتب والبعض بيستخدموا الجن , فيه واحد من اجن هو المختص بالطب زى ماشمهورش مختص بالشريعة في الجن , شمهورش صحابى ويختص بالشريعة في عوالم الجن , كذلك فيه واحد مختص بالطب والأجزات إسمه خطب , وده عشابى بيستخدموه الفلاسفة ويخدموه , الغزالى أيضاً فيلسوف , وابن سينا فيلسوف , ودول كلهم مسلمين. السائل: يعنى أفلاطون تلميذ أرسطو وأرسطوطاليس تلميذ سيدنا إدريس؟ مولانا الشيخ: لكن هل في الوقت ده ,وقت أفلاطون , كانوا اتخلقوا الإفرنج؟ لا , كان الإفرنج كلهم لسه ما اتخلقوش , وهقولكم دلوقت كيف اتخلق الإفرنج؟ وفين؟ ربنا جل وعلا بيقول كَانَ النَّاسُ أُمَّةً وَاحِدَةً الأول قبل زمن سيدنا إبراهيم كَانَ النَّاسُ أُمَّةً وَاحِدَةً وسيدنا إبراهيم ولد ولدين , سيدنا إسماعيل وده أبو العرب كلهم , وسيدنا إسماعيل ولد ولدين , عدنان وقحطان , قحطان سكن في اليمن وكلهم أولاده , وعدنان سكن في الحجاز وجدود النبي كلهم أولاده. نيجى في الشام سيدنا إسحق مراته حملت توأم , سيدنا إسحق شاف العيص بيقول لأخيه يعقوب , والله لو طلعت قبل منى لأقتلك هنا وأطلع , سيدنا إسحق ضرب يعقوب وهو في بطن أمه , وقال له: ياولدى إصبر لغاية ما أخوك يطلع أحسن يعور أمك , وبعدين العيص طلع في الأول. يعقوب علشان (عقب) العيص سماه يعقوب. سيدنا إسحق بيحب سيدنا العيص , قال له يا ولدى روح إعمل قربان وتعالى علشان أدعى لك. وسيدنا يعقوب أمه بتحبه , وسيدنا العيص مشعر يعنى شعره كتير جداً , وسيدنا إحق طبعاً ضعي البصر. وبعدين سيدنا يعقوب أمه قالت له: إمشى إدبح لك غنماية كبيرة قربان , وقسمها على الناس , وإلبس الجلد بتاعها وتعالى. سيدنا يعقوب راح عمل القربان بتاعه وخلص وجه قال لأبوه يا أبى أنا خلاص جيت إدعى لى أبوه لمسه كده لقى جسمه مليان شعر زى العيص.