بعدين تعالى (لـ إثنين) إبليس كان في السماوات لما أحب دخول الجنة دخلوه ليه؟ علشان آدم وحواء والملك الأول والملك الثانى اهْبِطُوا مِنْهَا جَمِيعاً كلهم نزلوا (وده كلام إبليس ذاته مع سيدنا عيسى في الإنجيل) المهم نزلوا , لم نزلوا , آدم أصلاً عايزينه يعيش في الأرض , فقبل أى حاجه تعرف إن إبليس من الملائكة , وإذا ماكان من الملائكة يكون طالبه غلط بالسجود , فكلهم الملائكة ولاد عم , وكانوا يعرفوا علم اليقين بس , وعلم اليقين يعنى إيه واحد يعرف إن ده فلان وده فلان وكده , فده علم اليقين , علشان كده الأولياء عاوزين عين اليقين علشان يشوفوا به عين الوجود. إبليس لما غوى أبونا آدم لقى ملك داخل الجنه قال له: خلينى هوا أدخل في خشمك , فسمح له الملك ده , لقى ملك تانى بيدخل يخدم جوه الجنة قال إجعلنى هوا وأدخل في خشمك , فسمح له , فراح لأبونا آدم وقطع تفاحة من الشجرة ـ كانت شجرة تفاح ـ أكل نصفها وقال لأبونا آدم وأمنا حواء ربنا مش عاوزكم تاكلوا من الجنة علشان ما تبقوا ملائكة أو تكونا من الخالدين وأنا أكلت ما جرى لى شئ , فقسم النص أعطى نصفه لسيدنا آدم ونصفه لسيدتنا حواء وطفقا من ورق الشجر , ربنا قال لهم أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ. (َقُلْنَا اهْبِطُوا) اللي هم أبونا آدم وأمنا حواء والملك الأول والملك التانى , ده بقى أبو الدبيب والثانى أبو الوحوش وإبليس يبقى خمسة بَعْضُكُمْ لِبَعْضٍ عَدُوٌّ وَلَكُمْ فِي الأَرْضِ مُسْتَقَرٌّ وَمَتَاعٌ إِلَى حِينٍ ـ الآية ـ. س: كيف كان الزواج في أيام سيدنا آدم؟