مولانا الشيخ: ده اتعلمتهامبارح تجادلني بيه؟ السائل: لا لا ما أقدرش قصتنا احنا النهارده الظهر، بعدين انت قلت لنا كلام الله اللي خده قديم ما نقدر نقول شكله ولا كنهه ولا حجمه، مش كده؟ مولانا الشيخ: أيوه. السائل: تفصيله بدأ ميتين بقى يا عم الشيخ؟ مولانا الشيخ: لما جبريل نزل. السائل: أيوه، ليها تفصيل في اللوح المحفوظ؟ مولانا الشيخ: أيوه. السائل: في اللوح المحفوظ فيه تفصيل؟ مولانا الشيخ: ما ماحدش يقدر يعرف. السائل: برضُه. مولانا الشيخ: القرآن من العقل الأول تنزل للقلم الأعلى إلى اللوح المحفوظ إلى بيت العزة وبس. السائل: وكل ده ماحدش قدر يعرف؟ مولانا الشيخ: ما ممكن. التفصيل السائل: أيوه، التفصيل اللي نزل بيه جبريل على النبي شوية شوية ده؟ مولانا الشيخ: ما بيتعرف، لا يتعرف بحرف ولا بصوت ولا بكلمة ولا بمعنى ولا حاجة، اللي ختاه في المعاني دي النبي عليه الصلاة والسلام. السائل: أيوه، اللي صاغه كده ده كلام النبي صلي الله عليه وسلم؟ مولانا الشيخ: آه. السائل: اللي جبريل قاله للنبي ما حد يقدر يعرفه؟ مولانا الشيخ: ما حايقدر يتعرف. السائل: مقامه صلي الله عليه وسلم؟ مولانا الشيخ: آي. السائل: أمال الآية بقي يا عم الشيخ {وَكُلَّ شَيْءٍ فَصَّلْنَاهُتَفْصِيلا} (الإسراء 12) دي مقصود بيها إيه بقى؟ مولانا الشيخ: ما التفصيل، نفس التفصيل. السائل: أيوه، التفصيل اللي ظهر لنا في الشريعة شوية شوية ده؟ مولانا الشيخ: لأ التفصيل، ومعناه فك الإجمال، مش كده؟ لّمن تشوف {وَكُلَّ شَيْءٍ أحْصَيْنَاهُ فِي إِمَامٍ مُبِين} (يس 12) بتعتمد إنه ده وحدة الكون، إذا انتبهت تعرف إنه ده وحدة الوجود، مش كده؟ السائل (معلقاً): أيوه.