السائل: القلوب يا عم الشيخ، القلوب يا عم الشيخ؟ مولانا الشيخ: القلوب أيوه. السائل: شرحت لينا القيود، كيف نتخلص من القيود دى؟ مولانا الشيخ: أيوه، الذكر. السائل: القيود دى كلها ... للمرحلة دى يا عم الشيخ، فيه قلوب يكون ما عندها أى قيود يا عم الشيخ، فيه قلوب ما يكون عندها أى قيود ياعم الشيخ؟ مولانا الشيخ: أيوه أيوه أيوه، اللي بينضف القلب الذكر بس، والصلاة على النبى. السائل: طيب يا عم الشيخ القلب بيكون مهيأ للذكر .... بالحالة دى يعنى؟ مولانا الشيخ: لما ينضف. السائل: ما هو أصلاً ذاكر يا عم الشيخ، ذاكر القلب، فيه عقبات كده لازم يقطعها عشان يكون مهيأ ولا شنوه؟ مولانا الشيخ: أيوه. السائل (معلقاً): أيوه يا عم الشيخ. مولانا الشيخ: الذكر أصله لفظياً ما هو نافع، الذكر من القلب ولفوق، الذكر لفظياً اسمه ذكر الغفلة، فالذكر جد جد من القلب ولفوق. السائل: القلب بينضف يا عم الشيخ ولا ماكده، القلب كده بينضف نظافة جد. مولانا الشيخ: أيوه ينضف أيوه. السائل: فى حالة النقل يا عم الشيخ من القلب إلى الروح، فى حالة النقل من القلب إلى الروح. مولانا الشيخ: أيوه. السائل: القلب بيكون فاضى؟ مولانا الشيخ: أيوه لازم، لازم يكون فاضى. السائل: بيبقى الاشتغال بالروح، بيبقى فيه انتباه للروح ولا؟ مولانا الشيخ: لا يبقى فاضى حتى يرحل الذكر للروح، بس. السائل: ما يشتغل حاجة يا عم الشيخ يبقى عنده فاضى؟ مولانا الشيخ: أيوه فاضى. السائل: ما يشتغل؟ مولانا الشيخ: ما يشتغل أى حاجة. السائل: هو يا عم الشيخ البلاء موكل من أى منطقة، البلاء موكل من المنطقة دى؟ مولانا الشيخ: البلاء؟ السائل: بمنطقة أيوة. مولانا الشيخ: ما فهمت. السائل: معناتها يكون موكل من المنطقة دى، البلاء موكل بمنطقة يعنى لا يقع البلاء إلا. بإذن الله؟ مولانا الشيخ: أيوه، البلاء موكل من منطقة أيوه، ده كلام فلاسفة.