مولانا الشيخ: أهو ده من المناقب المفروض .... دى الواحد .... فيها , عاوز تظهر حاجه لازم تظهره , وفيه أشياء بيكتموها , حتى من النبي فيه أشياء بيكتمها , الدين مش نشره النبي عليه الصلاة والسلام؟ الإسلام والإيمان مش نشره النبي عليه الصلاة والسلام؟ مش كده؟ الإحسان مش غطاه؟ فيه حاجه بيقولوه وفيه حاجه بيغطوه , الكتب والقصايد كله معناه كده. السائل: ......... يكون في علم محتمل عاوزين يخلدوه ولا ............ ؟ مولانا الشيخ: شنوه هى؟ السائل: درس التلقين ........ ؟ مولانا الشيخ: لا , ده الذكر , الذكر , الأوراد. السائل: ........... الطرق كل ما ديل غاروا على ديل , وديل ضربوا ديل؟ مولانا الشيخ: لا لا , ده أصله مافي , ده ما سرقه , مش كده؟ (السارق والسارقة) ما موجوده , مافي زى ده , بس السودان جعليين , جعليين بيحبوا الشَكَّلْ (1) المشاجرة والعراك) , عاملين الشكل كمان في الأولياء , مافي. السائل (معلقاً): الغيرة في بعضهم تفقد المعنى بتاعها. مولانا الشيخ: التنافس فيه. السائل: التنافس؟ مولانا الشيخ: التنافس , إنت إجرى وأنا أجرى أنا أسبقك إنت تسبقنى , مش تشيل حقى. السائل (معلقاً): يجتهد هو ذاته لمن يفوز. مولانا الشيخ: أيوه السائل: بالنسبة لدرجة السلب هنا , ده يسلب ولى ...... ؟ مولانا الشيخ: السلب ده مافي إلا بمحاكمة رسمية , ماهو لفظ (السارق والسارقة) السائل: مرتبطة بالحكاية دى ياعم الشيخ؟ سائل آخر: وهم برضه بيسرقوا من بعض يا عم الشيخ؟ مولانا الشيخ: ما بقول ليك مافي , السرقة ما حرام. السائل: عم الشيخ لو واحد بيعمل الأوراد الضرورية بس ما بيعمل ..... يعنى ما بيقرأ حزب السيف يعنى مثلاً يعمل الأساس , يعمل فواتح , يعمل مراقبة , وما بيلحق حزب السيف , فيمشى كده وسيره مضبوط؟ مولانا الشيخ: أيوه السائل: ماشى يعنى؟