السائل (معلقاً): هو ما عنده اعتراض على دى يا عم الشيخ , هو عنده اعتراض على بس سيدى محى الدين ذاته في كلامه ما المفروض يظهره , مفروض يقوله لزول تانى , لكن ما يظهره كده. مولانا الشيخ: ناس سيدى محى الدين بيعملوه تذكرة , الذال الطريق لما يقرأ كلامهم بيهتدى بيه , ماهى دى من ضمن غرائب أحوالهم , واحد يجى يقول ليهو تشهد إن أنا صاحب الوقت , وإنت تقرأ كيف؟ قال: أقره ما صاحب وقت رقبته , أعمل ليهو إيه؟ ما داير يداوى , قالوا له المريدين , قال هو بينشطهم على العبادة على الأوراد , قالوا له فلان بيقرأ مجزأ في النهار ومجزأ في الليل , اتنين مجزا من القرآن , قال لهم سووا الأوراد , قالوا له تانى , سووا الأوراد , قالوا له تانى , قال لهم جيبوه , جابوه معاهم التلامذة , إنت بتقرأ مجزا في الليل ومجزأ في النهار؟ قا له أيوه , قال له روح اتخيل إن أنا باسمع ليك وإقرأ لى , مشى نقص النص , جه بكره عملت إيه؟ قال له نقصت النص , هم مذهبهم ظاهرية , قال له روح اتخيل بن حزم الظاهرى بيسمع ليك , مشى نقص النص , بكره قال ليهو الصحابى اللى سمع الكلام من النبي , المصحف , ما الروايات مختلفة , , نقص النص , قال ليهو روح اتخيل النبي عليه الصلاة والسلام ذاته بيسمع ليك , نقص النص , في اليوم السابع قال ليهو روح شوف إنه كل الآيات القرآنية معمولة للاحكام وتنفيذه عليك إنت , روح إقرأ وتخيل إنه ربنا بيحاسب بيه؟ بيه؟ السائل: كان ولى ساكت يا عم الشيخ ولا إيه؟