مولانا الشيخ: أى واحد مننا عاوز يروح السعودية , أى واحد عاوز يروح أبوظبى , عاوز يروح ليبيا , ليه؟ عشان سُلطة كبير إنت بتاخده منها 20 قرش , بيدوك 200 جنيه , مش كده؟ لما يوروا عامة الناس , الصوفية لقوا كذا وكذا وكذا في الجانب الإلهى , يتشوقوا يفتشوا , ولا إيه؟ كونه من الصدور للصدور , ده التلقين بتاع الذكر , كونه ربنا بيكشف ليهم حُجب بيعرفوا أشياء , ده نتيجة الذكر , لكن ترعفه كيف؟ هسه إنت طالب علم زمن؟ قريت من الفقه كتير؟ تلقين الذكر لقيته في الفقه ولا لقيته هنا؟ السائل: بره مافي؟ مولانا الشيخ: بره مافي , أصله في صنعة في الدنيا واحد بيتعلمه براه؟ السائل (معلقاً): ما ممكن , ما ممكن. مولانا الشيخ: إنت مش رجل شايب؟ رطل الصعود بياخد قدر إيه من العطرون؟ السائل (معلقاً): ما بعرفه يا عم الشيخ. مولانا الشيخ: لمن نسأل صاحب الصعود بيقول كده ولا لأ؟ (العلم بالتعلم) (1) البخارى ـ باب العلم قبل القول والعمل) الحديث كده. السائل: والدعاء هنا يا عم الشيخ بيعدوه علم له خواص؟ أصله ما ممكن. مولانا الشيخ: مش ممكن , وهم لوحدهم يقولوا: التصديق بكلامنا هذا ولاية من الله من خلف سبعين حجاب , هم ما يصدقوا بالكلام ده يفتشوا الناس ديل لقوه وين. السائل: طيب يا عم الشيه لسع داير بتاع ..... ليه يا عم الشيخ؟ مولانا الشيخ: لأن , أنا شخصياً أنا , أنا محمد عثمان ده قريت تواريخ كتير , إنت في الدرس قاعد تسمع , تفاسير كتير , مش كده؟ كتب صوفية كتير , واحد يقول ليك بالاسم الفلانى وصلت مافي , ده متروك للمرشد , كله. السائل: زى الحاجات ..... بس ياهو زى ده؟ مولانا الشيخ: أيوه , بيت ولاية .... أكرانه ساداتنا فيهم الأبدال , ما بين الصمت , ما تتكلم كثير , واعتزال , ما تجتمع مع الناس كتير , صمت وإعتزال دائم وجوع , والشيف نديه لعلى , نعمل شنوه؟ ما قال ليك.