مولانا الشيخ: كويس خالص ده السائل: إن زعلت واحد ما تقرب من التاني يديك حاجة؟ مولانا الشيخ: مظبوط جدًا {مَّنْ يُطِعِ الرَّسُولَ فَقَدْ أَطَاعَ اللّهَ} (116) [النساء: 80]. السائل (معلقًا): {مَّنْ يُطِعِ الرَّسُولَ فَقَدْ أَطَاعَ اللّهَ} مولانا الشيخ: أيوه السائل: بس وإن ما طعت الرسول! سائل آخر: شيخ قاسم كان بيسأل يا عم الشيخ بيقول {إِنَّ إِبْرَاهِيمَ لَحَلِيمٌ أَوَّاهٌ} (117) [هود: 75] من أجل محبته، {إِنَّ إِبْرَاهِيمَ لَحَلِيمٌ أَوَّاهٌ} محب؟ مولانا الشيخ: أيوه ماله السائل: داير شرح؟ مولانا الشيخ: الحلم ما معروف {أواه} أصله الأواه معنة (آه) ده أنين المحب، أيوه. السائل: حتى عند الأنبياء يا عم الشيخ؟ مولانا الشيخ: أيوه ومين المحب أكتر من الأنبياء. 10.5 الإنابة السائل: لا إله إلا الله، والإنابة هنا تكون كيف بالنسبة للأنبياء؟ مولانا الشيخ: (الإنابة) دوام الوقوف في الباب الإلهي، {اللَّهُ يَجْتَبِي إِلَيْهِ مَن يَشَاء} (118) [الشورى: 13] من عباده {وَيَهْدِي إِلَيْهِ مَن يُنِيب} أهو زيكم كده وما شاعرين بيه، ما شاعرين بإنكم منيبين، الواحد صلى الصبح مسك الأساس، مش واقف في الباب الإلهي؟ جه في الأحزاب مش في الباب الإلهي؟ جه في حزب السيف مش في الباب الإلهي؟ جه في السلسلة مش في الباب الإلهي باقي الأوراد وقف في الباب الإلهي ولا في أمبكول. السائل (معلقًا): في الباب الإلهي؟ مولانا الشيخ: {اللَّهُ يَجْتَبِي إِلَيْهِ مَن يَشَاء} من عباده وشرطًا {وَيَهْدِي إِلَيْهِ مَن يُنِيب} اللي واقف في الباب الإلهي بيقبلوه، احنا متمدنين ولا .... السائل: أيوه أيوه كده كويس .... ؟ مولانا الشيخ: شغالين ساكت بقى {اللَّهُ يَجْتَبِي إِلَيْهِ مَن يَشَاء} من عباده الأنبياء والرسل {وَيَهْدِي إِلَيْهِ} شرطا {مَن يُنِيب} اللي واقف في الباب، وفي كده أقول لكم القلب ما تسكتوه.