أحد حتى يقولا إنما نحن فتنة فلا تكفر فيتعلمون منهما ما يفرقون به بين المرء وزجه} ده هو بتاع الملكين بس، وكلهم {إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق} (1) [البروج 10] أربع أصناف، السحر موجود، وبعدين فيه عروق، فيه طلاسم، فيه أحجار. السائل (معلقا): أشكال كتيرة، أشكال كتيرة من السحر. مولانا الشيخ: كتير جدا أصناف السحر. السائل: {وما هم بضارين به من أحد إلا بإذن الله} (2) [البقرة 102] في الكلام ده يا عم الشيخ، {وما هم بضارين به من أحد إلا بإذن الله}؟ مولانا الشيخ: آه إذن الله ما حصل. السائل: كيف يا عم الشيخ؟ مولانا الشيخ: إذن الله ما سابقا حاصل أنت بتعلمه كيف؟ هنا فيه قبيلة اسمم برروا، البقار بتاعم يسرحوا، في عروق بيختوه في قفة، العجل ما ترضع أمه لغاية ما يشيلوا العروق ده من القفة، واحد عاوز يسرق، يرجع مفيش أي حاجة والبقار راقدين. السائل (معلقا): ديل فلاتة. مولانا الشيخ: أيوه ما يشيل ليه غنماية ما ينزل من كتفه إلا يجيبوه في محله. السائل (معلقا): إن قرر، كان قرر يشيلوها. مولانا الشيخ: وكل ده ما سحر؟ أمال {قل أعوذ برب الفلق} (3) [الفلق 1] كيف؟ ده كمان العقد، عثمان {من شر النفاثات في العقد - ومن شر حاسد} (4) [الفلق 5: 4] بتاع العين كل ده ما سحر؟ قوموا قوموا قصتكم بقت هزار ولا كويس كده؟ السائل (معلقا): كويس كده يا عم الشيخ.
درس جديد مولانا الشيخ: لغاية ما يصفي كله كله. 3. 3 محاربة الخواطر النفسية والشيطانية السائل: الخواطر نفسية أو شيطانية أو ملائكية؟ مولانا الشيخ: أيوه. السائل: النفسية دي مضافة من وين؟ مولانا الشيخ: - النفسية: تأمر الواحد بملذات الدنيا. - الشيطانية: تأمر الواحد بالمعاصي. - الملائكية: تأمر الواحد بالعبادات. - الإلهية: يقول لك من أنت ومن أنا؟ السائل: يعني حتكون غيرهم يا عم الشيخ، التانيين اللي معاها تكون تحت يا عم الشيخ؟